“Боловсрол” телевиз, “Номадс”-ын сүлжээ ресторануудтай хамтран “Яг түүн шиг” шоуны гала тоглолтыг зохион байгуулахаар болсон. Тоглолт зургадугаар сарын 9-ний өдөр “Төв цэнгэлдэх хүрээлэн”-д зохион байгуулахаар төлөвлөж байсан юм. Гэвч тоглолт хойшлогджээ. Учир нь энэ сарын  8-11-ний өдрүүдэд Ази, Номхон далайн бүсийн чуулга уулзалт (JCI-ASPAC) Улаанбаатар хотод зохион байгуулагдаж байгаа аж.  Энэхүү хуралтай “Яг түүн шиг шоу” тоглолт давхцсан тул хойшлуулах хүсэлтийг ASPAC гаргажээ. Тус байгууллагын хүсэлтийг “Боловсрол” телевиз хүндэтгэн үзэж, тоглолтоо хойшлуулсан байна. Одоогоор гала тоглолтын тов тодорхойгүй байна.