NBA-ийн энэ жилийн өрнөд бүсийн долдугаар байраар плей-оффт шалгарсан Лос Анжелес Лэйкерс баг бүсийн хоёрдугаар байраар шалгарсан, өнгөрсөн жилийн аварга Денвер Наггетс багтай цувралын тав дахь тоглолтоо хийж, 106:108-аар хожигдож 4:1-ийн харьцаатайгаар мултарлаа. 

Оноо тэнцэж, цаг дуусах чухал мөчид Жамал Муррэй довтолгоогоо амжилттай болгож Денвер Наггетс цувралыг дуусгаж чадлаа. Тэрбээр энэ өдөр 32 оноо авч багаа тэргүүлэв. 

Леброн Жеймсээр ахлуулсан Лос Анжелес Лэйкерс багийн хувьд өнгөрсөн жил мөн адил долдугаар байраар шалгарч бүсийн аваргын төлөө мөн л Денвер Наггетс багт ялагдсан юм.  

Л.Сайнаа