"Индианаполис Колтс" багийн бүрэлдэхүүнд хоёр удаа "Pro Bowl" тоглож, сүүлийн тоглолтынхоо завсарлагаанаар зодог тайлж байсан NFL-ийн хамгаалагч асан Вонтае Дэвис Даваа гарагт Өмнөд Флорида дахь гэрээсээ нас барсан байдалтай олджээ.
Цагдаа нарын мэдээлснээр, гэрийн үйлчлэгч нь түүнийг нас барсныг мэдсэн анхны гэрч гэнэ. Урьдчилсан мэдээллээр ямар нэгэн зүй бус үйлдлийн нөлөө ажиглагдаагүй, мөрдөн байцаалтын ажиллагаа идэвхтэй явагдаж байна. Брауард дүүргийн эрүүл мэндийн шинжилгээний алба үхлийн шалтгааныг шалгаж буй.
35 настай Дэвис 10 жилийн карьертаа Майами Дельфинс, Колтс, Баффало Биллс багуудад 121 тоглолтод оролцож, нийтдээ 22 удаа бөмбөг таслалт, 97 удаа дамжуулалт өгчээ.
Тэрбээр Иллинойс мужид коллежийн хөлбөмбөг тоглож байсан бөгөөд 2009 оны NFL драфтын эхний тойргийн 25 дахь сонголтоор Майами Дельфинс багт сонгогдсон.
Дэвис Индианаполист гайхалтай тоглож, 2014 онд багтаа үлдэх 4 жилийн 36 сая долларын гэрээ байгуулсан. Тэрбээр 2014, 2015 онд "Pro Bowl"-д нэрлэгдсэн бөгөөд улирал бүрт дөрвөн удаа бөмбөг таслалт хийж байлаа.
Л.Сайнаа
