Сингапур улсад зохион байгуулагдаж буй ФИБА 3х3 Азийн аварга шалгаруулах тэмцээний С хэсэгт багтсан Монголын эмэгтэйчүүдийн шигшээ баг Малайзыг 21:4-өөр илүүрхлээ. Эмэгтэй шигшээ багийн хувьд С хэсэгт Малайз, Филлипиний багуудтай багтсан юм. Тэд хэсгийн сүүлийн тоглолтоо өнөөдөр Филлипиний шигшээ багтай хийнэ. 

Харин В хэсэгт багтсан Монгол улсын эрэгтэй шигшээ баг эхний хожлоо Гри Ланка улсын эсрэг хийж хожлоо. Энэ хэсэгт Тайланд, Шри Ланка улсууд бий. Манай шигшээ багийн хувьд энэ өдөр хоёр тоглолт хийх юм. 

Эрэгтэй шигшээ багийн бүрэлдэхүүнд А.Ананд, А.Азбаяр, С.Биндэрьяа, Ч.Тэмүүлэн нар багтжээ. Харин эмэгтэй шигшээ багийн бүрэлдэхүүнд О.Хулан, Ө.Индра, Б.Ариунцэцэг, М.Цэрэнлхам бий.

Л.Сайнаа