Сингапур улсад 2024 оны гуравдугаар сарын 27-ны өдөр ФИБА 3х3 Азийн аварга шалгаруулах тэмцээн эхэлсэн билээ. Манай улсын эрэгтэй шигшээ баг тус тэмцээний В хэсэгт багтаж, өнөөдөр эхний тоглолтоо хийх гэж байна. Энэ хэсэгт Тайланд, Шри Ланка улсууд бий. Манай шигшээ багийн хувьд энэ өдөр хоёр тоглолт хийнэ. Өөрөөр хэлбэл нэг хэсэгт багтсан хоёр багтайгаа дараалан тоглох юм. Эхний тоглолтоо тэд Шри Ланка улсын багтай хийх юм. 

Харин эмэгтэй шигшээ багийн хувьд С хэсэгт Малайз, Филлипины багуудтай багтжээ. Тэд мөн л энэ өдөр хоёр тоглолт хийх бөгөөд эхний өрсөлдөгч нь Малайзын шигшээ баг байх болно. 

Эрэгтэй шигшээ багийн бүрэлдэхүүнд А.Ананд, А.Азбаяр, С.Биндэрьяа, Ч.Тэмүүлэн нар багтжээ. Харин эмэгтэй шигшээ багийн бүрэлдэхүүнд О.Хулан, Ө.Индра, Б.Ариунцэцэг, М.Цэрэнлхам бий.

Л.Сайнаа