АНУ-ын Үндэсний Сагсан Бөмбөгийн Холбооны Брүүклэн Нэтс багийн холбон тоглогч Кайри Ирвинг анх Дьюкийн их сургуулиас 2011 онд драфтын нэгээр Кливланд Кавальерс багт очсон. Ирвинг 2012 оны шилдэг тоглогч, 2013 оны Бүх оддын тоглолтын тоглогч юм. Тэрбээр өнгөрсөн оны сүүлээр Еврей хүмүүсийг ялгаварлан гадуурхсан хандлага бүхий баримтат киног өөрийн сошиал хуудаснаа түгээснээс болж томоохон асуудалд ороод байв. Үүнээс үүдэн түүнтэй хамтран ажилдаг "Nike" зэрэг брэндүүд гэрээгээ цуцалсан билээ. Асуудал улам бүр хүндэрч NBA-ийн удирдлагын хэмжээнд түүнийг хөөх тухай ярилцсан гэх шуум ч явсан. Ямартай ч одоогоор асуудал намжсан бололтой.
Тэгвэл бид та бүхэнд түүний өмсгөлийн 11 дугаар ямар хачирхалтай бэлгэдэл агуулдгийг танилцуулж байна.
- Тэрбээр 01:11 цагт төрсөн.
- Түүнийа аав нь коллежид 11 дугаартай тоглодог байжээ.
- 'Kyrie Irving' гэхэд 11 үсэг орно. Гэвч түүний бүтэн нэр Kyrie Andrew Irving юм.
- 'K' нь англи хэлний цагаан толгойн 11 дэх үсэг юм.
- Тэрбээр 2011 оны нэгдүгээр тойргийн нэгдүгээр сонголтоор NBA-д нэгдсэн.
- Тэр гуравдугаар сарын 11-нд 11000 дахь оноогоо авч байжээ.
Л. Сайнаа
