Таны амралтад зориулан энэ амралтын өдрүүдэд болох барилдаан, тоглолтын мэдээллийг хүргэж байна.
Сумын цолтон болон залуу бөхчүүдийн ээлжит барилдаан
Өнөөдөр буюу арваннэгдүгээр сарын 23-нд 11:00 цагаас Монгол бөхийн өргөөнд Сумын цолтон болон залуу бөхчүүдийн ээлжит барилдаан эхэлнэ. Тасалбарын үнэ 10-20 мянган төгрөг байна.
"18 дахь хаврын хайр" драмын жүжиг
18 настай сурагчдын хайр дурлал үерхэл нөхөрлөл гэнэн томоогүй өрсөлдөөн, багшийгаа хайрлах хайрын тухай өгүүлэх өсвөр насныхан, төгсөх ангийн сурагчдад зориулсан драмын жүжиг. Нэг нэгнээ ялгаварлан гадуурхаж, цахим орчинд зүй бус харьцаж бусдыг хэрхэн гомдоодгийг харуулах тус жүжиг энэ сарын 23,24-нд 15:00 цагаас Хүүхэд залуучуудын театрт тоглогдоно. Тасалбарын үнэ 15 мянган төгрөг.
Goyol Fashion Festival 2025
37 дахь удаагийн хувцас загварын "Гоёл" наадам Shangrilla Ballroom-д энэ сарын 23-нд 16:00 цагаас эхэлнэ. Тус наадам хоёр хэсэг үйл ажиллагаанаас бүрдэх аж.
- Gala Show (16:00-18:30) - 200,000₮ (Зөвхөн гала тоглолт үзэх)
- Gala Show (16:00-18:30) + Banquet (18:30-23:00) - 350,000₮ (2 үйл ажиллагаанд оролцох). Тасалбар бүрт 4 төрлийн зууш, уух зүйлс, (Banquet хэсэгт оройн зоог) багтжээ.
"Тэнгэрийн хүү" жүжиг
"Тэнгэрийн хүү" жүжиг УДЭТ-ын тайзнаа энэ сарын 23-нд буюу өнөөдөр 16:00 цагаас тоглогдоно. Тасалбарын үнэ 40-180 мянган төгрөг.
Хүндэтгэлийн тоглолт
Үндэсний хөгжмийн Хангарди найрлын 15 жилийн ойд зориулсан хүндэтгэлийн тоглолт өнөөдөр 18:00 цагаас Улаанбаатар театрт болно. Тасалбарын үнэ 40 мянган төгрөг.
"Мартахгүй" тоглолт
Take off хамтлагийн 20 жилийн ойн тоглолт өнөөдөр 19:00 цагаас Corocus Event Hall-д болно. Тасалбарын үнэ 89 мянган төгрөгөөс эхэлж байна. Мөн багц тасалбартай аж.
"Би чамд хайртай" концерт
Дуучин Д.Хишигбаяр, Р.Дэлгэрмаа нарын "Би чамд хайртай тоглолт өнөөдөр 19 цагаас UB palace-т болно. Төсөлбарын үнэ 49-89 мянган төгрөг.
"Намайг дурсаарай Коко" хүүхдийн жүжиг
"Намайг дурсаарай Коко" хүүхдийн жүжиг маргааш буюу энэ сарын 24-нд 11:00, 14:00, 16:00 цагт тус тус Улаанбаатар театрт тоглогдоно. Тасалбарын үнэ 20 мянган төгрөг.
128 бөхийн барилдаан
Ой модны салбар үүсэж хөгжсөний 100 жилийн ойд зориулсан 128 бөхийн барилдаан маргааш буюу энэ сарын 24-нд Монгол бөхийн өргөөнд 13:00 цагаас эхэлнэ. Тасалбарын үнэ 20-40 мянган төгрөг.
Мөнхөд эгшиглэх аялгуу тоглолт
Үндэсний Урлагийн Их Театрын гоцлол дуучин Батмөнхийн Бямбадорж "Мөнхөд эгшиглэх аялгуу" уран бүтээлийн анхны тоглолт 11 дүгээр сарын 24 нд UB palace-ийн концертын их танхимд 18:00 цагаас болно. Тасалбарын үнэ 30 мянган төгрөг.
Дээрх үзвэрийн тасалбарын Ticket.mn-ээс захиалах боломжтой.
Сэтгэгдэл (1)