Болливудын ахмад жүжигчин, найруулагч Манож Кумар Энэтхэгийн санхүүгийн нийслэл Мумбай хотод 87 насандаа таалал төгсчээ. Тэрээр эрүүл мэндийн асуудлаас болж нас барсан гэж жүжигчний хэвтэн эмчлүүлж байсан Кокилабен Дирубхай Амбани эмнэлгийн доктор Сантош Шетти мэдэгдэв.

Түүний хүү Кунал Госвамигийн хэлснээр, Кумар эрүүл мэндийн асуудалтай удаан хугацаанд тэмцэж байсан аж. Кумар ардаа 1960, 1970-аад онд алдар нэрд хүргэсэн эх оронч киноны арвин их өв үлдээжээ.

Кумар нь анх Харикришан Госвами нэртэй байсан бөгөөд 1937 онд хойд Пенжаб мужид төрсөн. Тэрээр Шахид, Роти Капада Аур Макан, Кранти зэрэг кинонуудаараа Хинди киноны салбарт өөрийн гэсэн байр суурийг бий болгосон. Эх оронч сэтгэлээрээ алдартай түүний кинонууд Энэтхэгийн олон нийтийн анхаарлын төвд байсаар иржээ.

Л.Баяр