Сонгомол болон чөлөөт бөхийн насанд хүрэгчдийн ААШТ Йордан улсын нийслэл Амман хотод өнөөдөр эхэллээ. Тэмцээнд 38 орны 370 гаруй тамирчид оролцож байгаагаас Монгол улсаа төлөөлөн чөлөөт бөхийн төрөлд Үндэсний шигшээ багийн эрэгтэйчүүдийн багийн ахлах дасгалжуулагч Д.Гомбодорж, дасгалжуулагч Ж.Чулуунбат, Г.Амархүү, эмэгтэйчүүдийн багийн ахлах дасгалжуулагч С.Сүхбаатар, дасгалжуулагч Б.Одончимэг, Ө.Ууганбаяр нарын удирдлага дор нийт 20 тамирчин оролцох бол сонгомол бөхийн төрөлд дасгалжуулагч С.Мөнхсүхийн удирдлага дор гурван тамирчин зодоглоно. Энэ төрөлд 55 кг-д М.Сумъяабазар, 63 кг-д Н.Ганбаяр, 77 кг-д Н.Оргил нар өрсөлдөнө. 

Эрэгтэй: 

• 57 кг-д Б. Мөнх-Эрдэнэ
• 61 кг-д Т. Түвшинтулга
• 65 кг-д Ц. Цогбадрах
• 70 кг-д Т. Тулга,
• 74 кг-д Б. Батбаяр
• 79 кг-д О. Сүлдхүү
• 86 кг-д Н. Батбилгүүн
• 92 кг-д Б.Бат-Эрдэнэ
• 97 кг-д Г. Ганхуяг
• 125 кг-д М.Лхагвагэрэл

Эмэгтэй:

• 50 кг-д Б.Мөнхнар
• 53 кг-д Ч.Отгонтуяа
• 55 кг-д Б.Отгонтуяа
• 57 кг-д Х.Болортуяа
• 59 кг-д Т.Алтжин
• 62 кг-д С.Цэрэнчимэд
• 65 кг-д Т.Энхжин
• 68 кг-д Э.Дэлгэрмаа
• 72 кг-д З.Болортунгалаг
• 76 кг-д Э.Даваанасан

Уг тэмцээнд энэ оны УАШТ-нд түрүүлсэн тамирчид хүч үзнэ. 1979 оноос эхлэлтэй Азийн АШТ-ээс манайхан анхлан медаль хүртсэн нь 1989 он юм. Япон улсад болсон тус тэмцээнээс 48 кг-ын жинд Ч.Батбадрал, 68 кг-д Х.Амараа, 82 кг-д П.Сүхбат нар алтан медаль хүртсэн бол 130 кг-д А.Баатархүү мөнгө, 74 кг-д Л.Энхбаяр, 90 кг-д Ч.Бямбадорж нар хүрэл медальтай ирж байв. Монголын чөлөөт бөхийн баг 1979 оноос энэ тэмцээнд тасралтгүй оролцохдоо 1999 оноос бусад жилүүдэд медальтай ирсэн түүхтэй.