БАРИМТ 1

Б.Билгүүн буюу Томми ид тоглож байхдаа Гавьяатын тэмдгийг энгэртээ гялалзуулсан монголын анхны тамирчин боллоо. Б.Билгүүнийг дунд сургуулийн гуравдугаар ангид байхад нь дасгалжуулагч И Ху Гён (одоо Дунгүг их сургуулийн багш, дасгалжуулагч) сагсан бөмбөг тоглох авьяасыг нь олж харжээ. Ингээд түүний саналаар Б.Билгүүн 2007 онд Сөүл хотын Дэжин ахлах сургуульд суралцжээ. 

БАРИМТ 2

Тэрбээр долдугаар ангиасаа буюу 14 настай байхаасаа сагсанбөмбөг тоглож эхлээд есдүгээр ангиасаа секц, дугуйланд хичээллэх болсон. Улмаар 2005-2006 онд "Баганат өргөө" багт орж, мэргэжлийн түвшинд бэлтгэл сургуулилалт хийж эхэлсэн гэдэг. 

БАРИМТ 3

197 см өндөр Б.Билгүүнийг спортын хүрээнийхэн “Томми” гэдэг нэрээр нь андахгүй. 

БАРИМТ 4

Түүний хувьд Леброн Жеймсийг өндөр нуруутай, хүчирхэг, гол нь бүх байрлалд тоглох чадвартай учраас дэмжиж явдаг хэмээн ярьж байжээ. 

БАРИМТ 5

2005 онд “Баганат өргөө” багийн бүрэлдэхүүнд багтаж “Дээд лиг”-т анх удаа тоглож эхэлсэн тэрбээр үүнээс хойш 10 гаруй жил “Хасын хүлэгүүд” багтайгаа “Дээд лиг”-т өрсөлдөж есөн удаа аваргын төлөө тоглосон юм.

БАРИМТ 6

Томмигийн Монгол Улсын сагсанбөмбөгийн төлөөх 20 жилийн хамгийн дуулиантай нь 2014 оны Инчоны Азийн 17 дугаар наадам байв. 

БАРИМТ 7

Тэр ах нараа ахлан тоглож байсан бол өдгөө дүү нараа ахлан тоглож, шигшээ баг дахь сүүлийн тоглолтоо Японы эсрэг хийсэн билээ. 34-хөн настай түүний зодог тайлах шийдвэр нь сагсанбөмбөг сонирхогчдыг гайхшруулаад буй.

БАРИМТ 8

Тэрбээр үндэсний шигшээ багаа ахалж, саяхан болж өндөрлөсөн Азийн аварга шалгаруулах тэмцээний урьдчилсан шатны тоглолтуудад оролцохдоо багийнхаа ноён нуруу , туршлагатай лидер нь гэдгээ батлан харуулж, үлгэрлэсэн билээ. 

БАРИМТ 9

Тэр зөвхөн талбайд тоглодоггүй. Тэр сагсанбөмбөгийн хөгжлийн төлөө олны өмнө ч дуугарч, үгээ хэлж чаддаг. Тийм л төлөвшсөн тамирчны хувьд залуусын үлгэрлэл гэгдэхээс аргагүй. 

БАРИМТ 10

Тэрбээр Дээд лигийн таван бөгжтэй нэгэн. 

БАРИМТ 11

Түүний амьдралын хамгийн гоё, аз жаргалтай мөчүүд сагсан бөмбөгтэй холбоотой байдаг. Түүний л хэлэх үг. 

БАРИМТ 12

Энэ өдөр Хасын Хүлэгүүд багийн тамирчин Б.Билгүүн Монгол Улсын гавьяат тамирчин цол тэмдэгээ гардан авлаа.

Монголын сагсан бөмбөгийн "од" Б.Билгүүн буюу Томми ид тоглож байхдаа "Гавьяат тамирчин" болсон анхны сагсчин боллоо. Эл баярыг хуваалцан түүний тухай баримтуудыг хүргэж байна.