Францын шишгээ багийн од Килиан Мбаппе өнгөрсөн бямба гарагт болсон тоглолтод Реал Мадридын төлөөх анхны хет-трикээ хийлээ. Реал Мандрид Вальядолид багийг 3:0-ээр хожсон юм.

Франц одын Испанид өнгөрүүлсэн эхний улирал бэртэл гэмтлээр эхэлсэн ч Реал Мадридыг хүчирхэгжүүлж, Ла лигийн хүснэгтийг 4 онооны зөрүүтэй тэргүүлж эхлэхэд гол хүч болж байна.

"Би хет-трик хийсэндээ баяртай байна. Атлетикогийн үр дүн биднийг дарамтад оруулсан учраас өнөөдөр хожих нь маш чухал байсан. Бид сайн тоглосон гэж бодож байна. Бид тоглолтыг сайн удирдсан" гэж Мбаппе Реал Мадрид ТВ-д ярьжээ.

Мбаппе сүүлийн таван тоглолтдоо найман гоол оруулаад байгаа бөгөөд тэдгээрийн тавыг сүүлийн хоёр тоглолтод хийжээ.

Мадрид дараагийн Лхагва гарагт Аваргуудын лигт Францын Брест багтай тоглох бөгөөд хасагдах шатны плей-оффын шатанд шалгарлаа.

Л.Баяр