БАРИМТ 1
Түүний жинхэнэ нэрийг Жеймс Стивен Доналдсон гэдэг.
БАРИМТ 2
Тэрбээр 1998 оны тавдугаар сарын 07-нд АНУ-ын Канзас мужийн Вичита хотод төржээ. Улмаар Хойд Каролина мужийн Гринвилл хотод өссөн.
БАРИМТ 3
Тэднийх байнга нүүж, эцэг эх нь олон цагаар цэргийн албанд зүтгэдэг байсан тул тэрбээр "Au pairs"-ийн асрамжид өссөн гэж хэлж болно. Уг асрамж нь хүүхэд харах үйлчилгээтэй төстэй, гэр бүлийнх нэг хэсэг болж амьдардаг асрагч үйлчилгээ юм. Түүний эцэг эх нь 2007 онд салсан.
БАРИМТ 4
2016 онд тэр тус нутаг дахь евангелист Христийн шашны хувийн ахлах сургууль болох Гринвилл Кристиан Академийг төгссөн. Мөн Гринвилл Кристианд байхдаа хэдэн жилийн турш бэйсбол тоглож байв.
БАРИМТ 5
Зүүн Каролинагийн их сургуульд хэсэг суралцаж байгаад хаяжээ.
БАРИМТ 6
Их сургуулиа орхисныхоо дараа найзуудын хамт вируст видео үүсгэхийн тулд YouTube-ийн зөвлөмжийн алгоритмд дүн шинжилгээ хийж, ойлгохыг оролдсон.
БАРИМТ 7
Тэрбээр энэ тухайгаа "Миний амьдралд 5 жил үргэлжилсэн, вирусын талаар судалж, YouTube-ийн алгоритмыг ойлгохыг их хичээдэг байлаа. Би сэрээд "Uber Eats"-ээр хоол хүргүүлж иддэг байсан. Дараа нь би өдөржин компьютер дээрээ суугаад ажлаа үргэлжлүүлдэг нэгэн байв" хэмээн ярилцлагадаа дурдаж байсан.
БАРИМТ 8
MrBeast хэмээх онлайн хочоороо илүү алдартай болсон тэрбээр YouTube-ийн хурдацтай, өндөр бүтээмжтэй видео бичлэгүүдээрээ нэрд гарсан. Тэр ихэвчлэн нарийн төвөгтэй сорилтуудад оролцогчдыг өрсөлдүүлж, их хэмжээний мөнгөөр урамшуулдаг. Тэр мөн сайн үйлсийн төлөө мөнгөө харамладаггүй өгөөмөр нэгэн.
БАРИМТ 9
Одоогоор Youtube сувагт 346 сая гаруй дагагчтай бөгөөд хамгийн олон дагагчтай гэх амжилтыг эзэмүиж буй. Мөн TikTok-т 106.9 сая гаруй дагагчтай байгаа нь дэлхийд гуравт жагсах амжилт билээ.
БАРИМТ 10
Тэрбээр мөн Instagram дээр 63.9 сая, X дээр 31.4 сая гаруй дагагчтай ажээ.
БАРИМТ 11
2012 оны эхээр YouTube дээр "MrBeast6000" хаягаар видео нийтэлж эхэлсэн гэдэг. Түүний эхэн үеийн контент нь "Let's Plays"-ээс эхлээд бусад YouTubers-ийн хөрөнгийг үнэлэх тухай байлаа. Тэрбээр 2017 онд "100 мянга хүртэл тоолох" бичлэгээрээ хэдхэн хоногийн дотор олон арван мянган үзэлттэй болж, удалгүй цахим ертөнцөд танигдаж эхэлсэн.
БАРИМТ 12
Аажимдаа түүний видео бичлэгүүд улам сүрлэг, үрэлгэн болж эхэлсэн. Сувгаа таниулц эхэлсэн тэрбээр багын найзуудаа хамтран ажилахаар хөлсөлжээ.
БАРИМТ 13
Доналдсон мөн YouTube суваг Beast Reacts (хуучин нэрээр BeastHacks), MrBeast Gaming, MrBeast 2 (хуучин MrBeast Shorts), болон Beast Philanthropy буяны сувгийг ажиллуулдаг.
БАРИМТ 14
Доналдсон бол MrBeast Burger, Feastables-ийн үүсгэн байгуулагч, мөн өөрийн кампанит ажилд зориулж 24 сая ам.доллар цуглуулсан Arbor Day сангийн хандив цуглуулагч Team Trees болон Lunchables-тэй төстэй хоол, зуушны брэнд болох Lunchly- ийн үүсгэн байгуулагч билээ.
БАРИМТ 15
Мөн тэр Ocean Conservancy болон The Ocean Cleanup-д зориулсан хандивын аян болох Team Seas-ийг үүсгэн байгуулж, 30 сая ам.доллар цуглуулсан. Доналдсон 2020-2023 онд Streamy Awards- аас дөрвөн жил дараалан оны шилдэг контент бүтээгч шагналыг хүртсэн. Тэрбээр мөн 2022-2024 оны Nickelodeon Kids' Choice Awards-аас "Дуртай эрэгтэй контент бүтээгч" шагналын эзэн.
БАРИМТ 16
2023 онд Time сэтгүүл түүнийг дэлхийн хамгийн нөлөө бүхий 100 хүний нэгээр нэрлэжээ.
БАРИМТ 17
Тэрбээр 2022 оны хамгийн өндөр орлоготой YouTube контент бүтээгчээр Форбесын жагсаалтад бичигдсэн бөгөөд 500 сая ам.долларын цэвэр хөрөнгөтэй гэж таамаглаж байна.
БАРИМТ 18
2016 онд 100 мянга, 2017 онд нэг сая, 2018 онд 10 сая, 2021 онд 50 сая, 2022 онд 100 сая дагагчтай болжээ.
БАРИМТ 19
Үндсэн суваг нь 69.016 тэрбум, MrBeast 2 суваг нь 7.220 тэрбум, MrBeast Gaming суваг нь 8.450 тэрбум бусад сувгууд нь 7 орчим тэрбум үзэлттэй байна.
БАРИМТ 20
Тэрбээр 2024 онд "Кунг-фу панда" 4 кинонд Panda Pig-ийн дууг оруулжээ. Мөн 2023 онд "Teenage Mutant Ninja Turtles: Mutant Mayhem", "Under the Boardwalk" бүтээлүүдэд дуу оруулсан нэгэн.
БАРИМТ 21
Дээр дурдсанчлан тэр өглөгч нэгэн. Гэсэн хэдий ч зарим шүүмжлэгчид Доналдсоны зорилго, ёс зүйд эргэлзэдэг. Тэд түүнийг ядуурлаар далимдуулан мөнгө олдог гэлцдэг. Гэвч тэр Африкын буурай орнуудаар аялж, худаг гаргах зэрэг буяны олон ажил хийжээ.
БАРИМТ 22
Доналдсон өөрийгөө "дотогшоо" хүн гэж тодорхойлдог. YouTube-д маш их анхаарал хандуулж, ёс суртахуунтай байж нийгмийн амьдралаа авч явахын тулд тэмцэж байгаагаа хүлээн зөвшөөрдөг. Түүний ээж Сью түүний амьдралын хэв маягийг багадаа байнга нүүдэг байсан, Кроны өвчинтэй тэмцэж байсан зэрэгтэй нь холбон тайлбарладаг.
БАРИМТ 23
Доналдсон 2019-2022 оны хооронд YouTube-ийн ажилтан Мэдди Спиделтэй, 2022 онд тоглоомын суваг ажлуулдаг Теа Буйсентэй болзож эхэлсэн. Улмаар 2025 оны нэгдүгээр сарын 01-нд тэрбээр 2024 оны 12 дугаар сарын 25-нд Буйсентэй сүй тавьсан тухайгаа зарлажээ.
БАРИМТ 24
Доналдсон өөрийгөө улс төрөөс ангид гэж үздэг. Учир нь тэр үзэгчдээ өөрөөсөө түлхэхгүй байхыг хичээдэг. Мөн улс төрд орох нь түүний буяны зорилгод саад учруулах болно гэж үздэг. 2022 оны есдүгээр сард нэгэн подкаст дээр Доналдсон "20 жилийн дараа АНУ-ын ерөнхийлөгчийн сонгуульд нэр дэвших боломжтой. АНУ-д залуу ерөнхийлөгч хэрэгтэй" гэжээ.
