БАРИМТ 1
Түүний бүтэн нэрийг ДеМаркус Амир Казинс гэдэг.
БАРИМТ 2
1990 оны наймдугаар сарын 13-нд АНУ-ын АНУ Алабама мужийн Мобайл хотод мэндэлжээ.
БАРИМТ 3
208 см өндөр, 122 кг жинтэй.
БАРИМТ 4
2010 оны NBA-ийн драфтын нэгдүгээр тойргийн тавдугаар сонголтоор Сакраменто Кингс багт нэгдэж байв.
БАРИМТ 5
NBA-д байсан 12 жилийн замналдаа тэрбээр 2010-2017 онд Сакраменто Кингс, 2017-2018 онд Нью Орлеанс Пеликанс, 2018–2019 онд Голден Стэйт Уарриорс, 2020–2021 онд Хьюстон Рокетс, 2021 онд Лос Анжелес Клипперс, 2021–2022 онд Милуоки Бакс, 2022 онд Денвер Наггетс багт хүчин зүтгэжээ.
БАРИМТ 6
Улмаар 2023 онд Пуэрто Рикогийн Гуайнабо хотын "Метс де Гуайнабо" баг тоглосон. Монголд ирэхээсээ өмнө 2023-2024 оны улиралд Тайванийн "Taiwan Beer Leopards" багт тогложээ.
БАРИМТ 7
Тэрбээр Моник, Жесси Казинс нарын хүү юм. Гурван эгч, хоёр дүүтэй.
БАРИМТ 8
Түүний төрсөн дүү Жалээл мэргэжлийн сагсан бөмбөгчин юм. Тэрбээр Наварро коллеж болон Өмнөд Флоридагийн коллежид сагсан бөмбөг тоглож байсан.
БАРИМТ 9
2019 оны наймдугаар сарын 24-нд Атланта хотод олон жил үерхсэн найз бүсгүй Морган Лангтайгаа гэрлэсэн.
БАРИМТ 10
Тэрбээр нэг хүүтэй. Хүүгээ хуримандаа оролцуулахаас татгалзсан бөгөөд тухайн үед хуучин найз бүсгүйгээ "ална" гэж сүрдүүлсэн аудио бичлэг нь ил болсон. Улмаар түүнд гэр бүлийн хүчирхийлэл үйлдсэн хэрэг үүсгэн баривчлах тушаал гаргаж байв. Алабама мужид гаргасан уг нэхэмжлэлийг 2019 оны арваннэгдүгээр сард хэрэгсэхгүй болгожээ.
БАРИМТ 11
Казинс нь 2014 оны ФИБА-гийн сагсан бөмбөгийн ДАШТ-ээс алтан медаль хүртсэн АНУ-ын шигшээ багийн гишүүн байсан.
БАРИМТ 12
Мөн тэр 2016 онд Риогийн олимпод аваргалсан АНУ-ын багийн бүрэлдэхүүнд тоглосон билээ.
БАРИМТ 13
Кингст тоглосон анхны улиралдаа тэр NBA-ийн Бүх рүүки тоглогчдын нэгдүгээр багт сонгогдсон бөгөөд 2015-2018 он хүртэл дөрвөн удаа НБА-гийн бүх оддын багт багтсан.
БАРИМТ 14
Алабама муж улсын Мобайл дахь ЛеФлор Магнет ахлах сургуульд сурсан.
БАРИМТ 15
Тэрбээр 2009 онд Бүх Америкийн Парадын нэгдүгээр багийн гишүүн байсан бөгөөд 2009 онд McDonald's-ийн Бүх Америкийн Хөвгүүдийн тэмцээнд оролцож, 14 оноо, 8 самбараас бөмбөг авсан амжилтыг үзүүлжээ.
БАРИМТ 16
NBA-д орохоосоо өмнө Кентакки мужийн "Kentucky Wildcats" багт тоглопог байв. Уг баг нь Кентакки Их Сургуулийн эрэгтэй коллежийн сагсан бөмбөгийн баг юм. Тэд NCAA-ийн найман аварга бөгөөд бүх цаг үеийн хамгийн олон ялалттай баг билээ.
БАРИМТ 17
Тэрбээр он гарахтай зэрэгцэн Монголын сагсанбөмбөгийн үндэсний дээд лигийн "Selenge Bodons" багтай гэрээ байгуулжээ.
БАРИМТ 18
Энэ тухай тэрбээр "Би Сэлэнгэ Бодонгуудтай гэрээ байгуулж, Монголын сагсанбөмбөгийн лигт анхны аваргаа авахад нь туслах гэж байгаагаа дуулгахад таатай байна! Авцгаая!!" гэж фейсбүүк хуудсандаа бичжээ.
БАРИМТ 19
Түүнийг "Boogie" гэж хочилдог.
БАРИМТ 20
Тэрбээр комедиан билээ. Казинс 2020 онд хөтлөгч Майк Эппстэй хамтран Гари Оуэн, Карлус Миллер, Ред Грант, Тони Робертс зэрэг өөрийн дуртай инээдмийн жүжигчидтэй хамтран анхны стэнд ап тоглолтоо бүтээсэн.
