БАРИМТ 1

1998 оны дөрөвдүгээр сарын 13-нд Баянхонгор аймгийн Баянлиг суманд мэндэлжээ. 

БАРИМТ 2

Өндөр 178 см, жин 117 кг.

БАРИМТ 3

"Их Богд" дэвжээ, "Хилчин" спорт хороо, ХЦ-0208 анги, Нэгдэл клуб, Бай Хөндий Цамхаг ХХК, Гэгээн Бараат ХХК-ийн бөх. 

БАРИМТ 4

Анх 2015 онд 17 насандаа Сумын заан цол хүртэж байсан. 

БАРИМТ 5

2018 онд 20 насандаа Аймгийн начин, 2019 онд Аймгийн харцага, 2020 онд Аймгийн арслан цолонд хүрчээ. 

БАРИМТ 6

Аймгийн цолтны хүрээнд өнгөрсөн онд Хөвсгөл аймгийн Цагаан-Уул сумын харьяат, аймгийн хурц, бадрангуй, хичээлт арслан Бат-Очирын Баттогтохын нэрэмжит барилдаанд ҮЗҮҮР булаажээ. Мөн нэг удаа их, хоёр удаа дунд шөвөгт шалгарсан байна. 

БАРИМТ 7

Улс аймгийн цолтны барилдаанд нэг удаа түрүүлж байсан нь оны өмнөхөн болсон Баянхонгор аймгийн Богд сумын 100 жилийн ойд зориулсан, Монгол Улсын улам нэмэх начин Чулууны Баасанхүүгийн нэрэмжит барилдаан байв. 

БАРИМТ 8

Тэрбээр өнгөрсөн жил болсон "Бэст буйдан" компанийн 20 жилийн ойд зориулсан чансаа өндөр 64 бөхийн энтертейнмент барилдаанд шөвгийн дөрөвт үлдэж байв. 

БАРИМТ 9

2020 онд аймгийнхаа баяр наадамд Улсын начин Э.Батмагнайгаар долоо даван түрүүлж "Аймгийн арслан" цол хүртсэн.

БАРИМТ 10

Тэрбээр чөлөөт бөхийн ОУХМ цолтой. 

Бид та бүхэнд улсын цолонд ойрхон байгаа аймгийн цолтой бөхчүүдийг цувралаар танилцуулж байна. Энэ удаагийн таницлуулах бөх Баянхонгор аймгийн Баянлиг сумын харьяат Аймгийн арслан Ч.Алтангэрэл билээ. Түүний тухай сонирхолтой баримтуудыг үзэцгээе.