Нэрт найруулагч Кристофер Нолан болон түүний эхнэр Эмма Томас нар өнгөрсөн Лхагва гарагт Лондон дахь Букингемийн ордонд хаан Чарльзтай уулзжээ. Энэ үеэр Кристофер Ноланы кино урлагт оруулсан хувь нэмрийг нь үнэлж, "Хүлэг баатар" цол хүртээсэн байна. Мөн түүний гэргий Эмма Томаст “damehood” шагнал гардуулжээ.

Нолан “Хаан Оппенхаймерыг үзэж, ихэд таашаасан гэдгээ надад хэлсэн. Түүнд бараалхах сайхан байлаа. Ялангуяа эхнэртэйгээ хамт шагнуулсандаа бүр их баяртай байна” гэжээ. Кристофер Нолан Английн Лондон хотод 1970 оны долдугаар сарын 30-нд мэндэлсэн. Гэвч тэр одоо гэр бүлийн хамтаар АНУ-ын Калифорниа мужид амьдарч байна. 

Кино найруулагч, зохиолч, продюсер тэрбээр Memento, Following, Batman Begins, Prestige, Dark Knight, Inception, Dark Knight Rises, Interstellar, Dunkirk, Tenet, Oppenheimer зэрэг бүтээлээрээ дэлхий нийтэд таашаагдсан. Түүний 2023 онд нээлтээ хийсэн “Оппенгеймер” киноны продюсерээр эхнэр нь ажилласан. Тэд өнгөрсөн Оскарын наадмаас нийт долоон шагнал хүртсэн юм. 

Л.Баяр