Шведийн тулгууртай харайлтын тамирчин, Олимпын хошой аварга Арманд Дуплантис 2024 оны Дэлхийн спортын оны шилдэг тамирчин болсон тухай "BBC Sports Personality" мэдээлэв.

"Мондо" хочоороо олны танил болсон Дуплантис нь бүх цаг үеийн хамгийн шилдэг тулгууртай харайгч гэдгээрээ алдартай бөгөөд 2024 онд олимп, дэлхийн дээд амжилтыг шинэчлэн тогтоосон. Түүний эвдсэн амжилтууд өөрийнх нь байв.

Өдгөө 25 настай тэрбээр Парисын олимпод аварга цолоо хадгалсан нь 1950-иад оноос хойш эрэгтэйчүүдийн тулгууртай харайлтын түүхэнд анх удаа дараалан аваргалсан тохиолдол байв.

Энэ жил тэр Олимпын болон дэлхийн дээд амжилтыг хоёуланг нь эвдсэн бөгөөд энэ нь карьертаа ес дэх удаагаа, энэ жил хоёр дахь удаагаа дээд амжилт эвдсэн үйл явдал байлаа.

Дуплантис наймдугаар сарын сүүлээр Силезид болсон Очир эрдэнийн лигийн тэмцээнд 6.26 м-ийн шинэ дээд амжилт тогтоожээ. Тэрбээр Токио, Парисын олимпын аварга, ДАШТ-ий хоёр, танхимын ДАШТ-ий хоёр алтан медальтай. Мөн ЕАШТ-ээс гурван алттай.  

Л.Баяр