"TheMongolZ" баг нийт 1.25 сая ам.долларын шагналын сантай "Perfect World Shanghai Major 2024" тэмцээний хасагдах шатанд шалгарлаа. "The MongolZ" багийн хувьд эхний тоглолтдоо БНХАУ-ын "Rare Atom" багийг, дараагийн тоглолтдоо Бразилын багийг хожсон бол хасагдах шатанд шалгарах сүүлийн тоглолтдоо Германы "GamerLegion" багийг 3-0 харьцаатайгаар буулган авчээ.
Ийнхүү "TheMongolZ" баг хасагдах шатанд шалгарч, дараагийн тоглолтоо энэ сарын 5-ны өдөр хийх товтой байна.
Уг тэмцээнд дэлхийн шилдэг 24 баг оролцож байгаа бөгөөд сүүлийн шатанд нийт найман баг шалгарах юм. Тэмцээнд Монголын "The MongolZ", монгол дасгалжуулагчтай Австралийн "FlyQuest", Хятадын "Lynn Vision Gaming" багууд бүсийн чансаагаа тэргүүлж байгаа тул шууд урилгаар оролцож байгаа ажээ.
Харин үлдсэн таван эрхийг Номхон далай, Хятад, Зүүн Ази, Зүүн Өмнөд Ази, Ойрх Дорнод гэсэн таван бүсээс тус бүр нэг багт өгнө. Монгол улсын хувьд Зүүн Азийн урьдчилсан шатны бүсэд багтаж байна.
Багийн бүрэлдэхүүнд,
- Garidmagnai "bLitz" Byambasuren- Багийн ахлагч,
- Sodbayar "Techno" Munkhbold- Rifle
- Azbayar "Senzu" Munkhbold- Rifle
- Ayush "mzinho" Batbold- Rifle
- Usukhbayar "910" Banzragch- AWP тоглогч
- Erdenedalai "maaRaa" Bayanbat- Багийн дасгалжуулагч нар багтаж байна
Л.Баяр
