БАРИМТ 1
Жеймс Дэвид Вэнс нь 1984 оны наймдугаар сарын 02-нд АНУ-ын Охайо мужийн Миддлтаун хотод мэндэлжээ.
БАРИМТ 2
Бизнес эрхлэгч, Бүгд найрамдах намын улс төрч тэрбээр 2023 оноос Охайо мужийн сенатороор ажиллаж байлаа.
БАРИМТ 3
Вэнсийн ээж Беверли Акинс хар тамхинд донтох өвчнөөр шаналж байсан ч түүнээс ангижирч чадсан нэгэн.
БАРИМТ 4
Эмээ Бонни Блантон нь түүнийг өсгөхийн төлөө амьсгал хураатлаа санаа чилээсэн нэгэн бөгөөд ач хүүгээ хар тамхины наймаачдаас хамгаалахын тулд бүрэн зэвсгэлсэн байжээ. Бонни эмээг нас барсны дараа гэр бүлийнхэн нь түүний гэрээс 19 ширхэг цэнэгтэй гар буу олон гэдэг.
БАРИМТ 5
Түүнийг төрсний дараахан эцэг эх нь салж, ээж нь өөр хүнтэй гэр бүл болжээ. Улмаар Вэнс өвөө Жеймс Ли Вэнсээрээ овоглуулах болов.
БАРИМТ 6
2003 онд Middletown ахлах сургуулийг төгсөж, 2009 онд Охайо мужийн их сургууль, 2013 онд Йелийн хуулийн сургуулийг дүүргэсэн. Хуулийн ухааны докторны зэрэгтэй.
БАРИМТ 7
2003 онд ахлах сургуулиа төгсөөд Тэнгисийн явган цэргийн ангид алба хааж, Иракийн дайны үеэр тус корпуст олон нийттэй харилцах албанд ажиллаж байгаад 2007 онд халагджээ.
БАРИМТ 8
Тэр Католик шашинтай.
БАРИМТ 9
Тэр энэ удаагийн сонгуульд Доналд Трампын талд тууштай зүтгэсэн.
БАРИМТ 10
Гэвч тэр 2016 оны сонгуулиар Трампын эсрэг зогсож, түүнийг "Адольф Гитлертэй адилхан дарангуйлагч" хэмээн дуудаж байлаа.
БАРИМТ 11
Вэнс 2014 онд Энэтхэгийн цагаач гэр бүлээс гаралтай Уша Чилукуритэй гэрлэж, гурван хүүхдийн эцэг эх болжээ.
БАРИМТ 12
Өнгөрсөн долдугаар сард Доналд Трамп сонгуульд ялсан даруй түүнийг АНУ-ын Дэд ерөнхийлөгч болгоно гэдгээ амлаж байв.
БАРИМТ 13
Д.Трамп ч хэлсэндээ хүрч тэр АНУ-ын түүхэн дэх хамгийн залуу дэд ерөнхийлөгч боллоо.
