БАРИМТ 1
Доналд Жон Трамп нь 1946 оны зургадугаар сарын 14-нд Нью-Йорк хотын Куинз дүүрэгт Фред Трамп, Мэри Энн Трамп нарын дөрөв дэх хүүхэд болон мэндэлжээ.
БАРИМТ 2
Ирээдүйн тэрбумтны хүмүүжилд хамгийн их нөлөө үзүүлсэн хүн нь эцэг Фред Доналд байв. Түүнийг 13 нас хүрэхэд эцэг нь Нью-Йоркийн цэргийн академид суралцуулахаар илгээсэн нь хүүгээ дэг журамтай, жинхэнэ эр хүн болгох зорилготой байсны илрэл гэж үздэг.
БАРИМТ 3
1964 онд тэр Фордхамийн их сургуульд элсэн орж хоёр жилийн дараа Пенсилванийн Санхүү худалдааны их сургуульд шилжин суралцсан. Тэрбээр суралцах хугацаандаа архи ууж, тамхи татдаггүй хүмүүжил сайтай оюутан байжээ. Харин нэлээд хожуу хүүхэмсэг зангаараа алдаршсан гэдэг.
БАРИМТ 4
Сурч байх үедээ тэрбээр эцэгтэйгээ зөвлөлдсөний дагуу Охайо мужид байрлах дампуурсан орон сууцны цогцолборын төслийг ердөө зургаахан сая ам.доллараар худалдан авч, 12 саяаар эргүүлэн зарсан аж. Энэ наймаа нь ирээдүйн барилгын магнатад тун их урам хайрласан нь мэдээж. Урам зориг дүүрэн байсан Трамп зөн совингоороо Нью-Йорк руу тэмүүлдэг байсан бөгөөд энэ хот түүнд их мөнгө авчирна гэдгийг мэддэг байжээ.
БАРИМТ 5
Трамп гэргийгээ загвар өмсөгчөөр сонгодог. 1977 онд тэр Чехийн загвар өмсөгч Ивана Зелничковатай гэрлэжээ. Тэдний дундаас гурван хүүхэд мэндэлсэн нь бага Доналд, Иванка, Эрик нар юм. Хосууд 1990 онд салсан. Дараагаар нь тэр 1993 онд жүжигчин, загвар өмсөгч Марла Мэплстэй гэрлэж, 1999 онд салжээ. Тэдний дундаас Тиффани гэх охин мэндэлсэн. 2005 онд Трамп Словенийн загвар өмсөгч Мелания Кнаусстай гэрлэжээ. Хосууд 2006 онд Бэррон гэх хүүтэй болсон юм.
БАРИМТ 6
2020 онд тэр өөрийгөө шашин шүтлэггүй ч Христэд итгэгч гэж тодорхойлжээ.
БАРИМТ 7
Тэр хорт зуршилгүй. Өдөрт 4-5 цаг унтдаг аж.
БАРИМТ 8
Тэрбээр казино, зочид буудал, үл хөдлөх хөрөнгөөс гадна дэлхийн 90 оронд 2.5 тэрбум үзэгчтэй “Дэлхийн мисс” тэмцээний албан ёсны эзэн билээ.
БАРИМТ 9
Вьетнамын дайнд амь үрэгдэсдийн тоо эрчимтэй нэмэгдэж байх үед тэр оюутан байлаа. Гэвч тэр оюутан гэх шалтгаанаар дөрвөн удаа, хөлд нь яс ургасан гэх шалтгаанаар нэг удаа цэргийн албанаас мултарч байв.
БАРИМТ 10
Трамп төгссөн сургуулиараа бахархаж, "шилдэг нь байсан" гэж ярих дуртай ч үнэн хэрэгтээ нэгдүгээр курсээсээ хойш үзэгдэлгүй явсаар дипломоо арын хаалгаар авсан гэх дам яриа ч байдаг.
БАРИМТ 11
Трамп 1988 оноос улс төрийг сонирхож, 1988, 2008, 2012 оны АНУ-ын Ерөнхийлөгчийн сонгуульд нэр дэвших оролдлого хийж байв.
БАРИМТ 12
Улмаар тэр 2016 оны сонгуульд ялалт байгуулж, 2017 онд АНУ-ын 45 дахь ерөнхийлөгчийн албан тушаалд очсон. 2020 оны сонгуулиар тэр Жо Байденд ялагдаж байлаа.
БАРИМТ 13
Доналд Трамп өдөрт хоёр удаа өөрөөрөө бахархах цаг гаргадаг гэнэ. Тэгэхдээ тэр 20-25 хуудас зөвхөн өөрийг нь магтсан нийтлэл, мэдээллүүд, хүчтэй харагдуулдаг сайн чанарын гэрэл зургуудыг цахим орчинд нийтэлж, өөрийг нь магтаж урам өгөх 7-10 хүнтэй уулздаг ажээ.
БАРИМТ 14
Бүгд найрамдах намын гишүүн тэрбээр 2001-2009 оны хооронд Ардчилсан намын гишүүн байлаа. Улс төрийн судлаачдын боловсруулсан тайлан мэдээнд дурдсанаар Доналд Трамп 1980-аад оноос хойш улс төрийн үзэл баримтлалаа таван удаа сольжээ.
БАРИМТ 15
Орчин үеийн шилдэг кинонуудын нэг “Ирээдүй рүү буцсан нь” киноны Бифф Таннены дүрийг Доналд Трампаас сэдэвлэжээ.
БАРИМТ 16
Тэрбээр 1989, 1990 онд “Тур де Трамп” нэртэй дугуйн олон өдрийн уралдааныг хоёр ч удаа зохион байгуулж байв.
БАРИМТ 17
Тэр хэзээ ч бэлэн мөнгөний машинаар үйлчлүүлж байгаагүй гэдэг.
БАРИМТ 18
АНУ-ын Лос Анжелес хотод ЗХУ-ын удирдагч Михайль Горбачевыг дуурайдаг нэгэн хүнтэй 1988 онд Доналд Трамп бараг хагас цаг ярьж зогсон, их хүндэлдэг гэдгээ хэлж байжээ. Тухайн цаг үедээ жинхэнэ Горбачевтой уулзсан гэдэгт үнэхээр итгэсэн гэдэг.
БАРИМТ 19
АНУ-ын Ерөнхийлөгч Жеймс Полкоос хойш Цагаан ордонд гэрийн тэжээвэр амьтан оруулаагүй анхны Ерөнхийлөгч нь Доналд Трамп юм.
БАРИМТ 20
Тэрбээр өнгөрөгч долдугаар сард сонгуулийн сурталчилгааныхаа үеэр чихэндээ буудуулсан.
БАРИМТ 21
Америкийн сэтгэц судлалын холбооноос түүнийг Нацистын Германы удирдагч Адольф Гитлертэй адилхан сэтгэл хөдлөлийн хурц эмгэгтэй гэж тодорхойлсон байдаг.
БАРИМТ 22
2024 оны тэрбумтнуудын жагсаалтад Трамп 2.3 тэрбум ам.долларын хөрөнгөтэйгөөр 1438 дугаар байрт бичигдсэн. Гэвч Форбес сэтгүүлээс гаргасан сүүлийн үеийн судалгаанд түүнийг 6.6 тэрбум ам.долларын хөрөнгөтэй хэмээжээ.
БАРИМТ 23
Доналд Трамп амьдралынхаа туршид хувийн ашиг сонирхол, бэлгийн хүчирхийлэл, албан тушаалын холбогдолтой мөнгө угаах, авлига авах зэрэг олон гэмт хэрэгт нэр холбогдсон ч нэг ч удаа торны цаана суулгүй өдийг хүрчээ.
БАРИМТ 24
Трампыг АНУ-ын төрийн тэргүүний албанд заларснаар Орос-Украины дайн даруй дуусгавар болно гэж шинжээчид үзэж байна.
Сэтгэгдэл (6)