Португалын хөлбөмбөгчин, дэлхийн хамгийн алдартай тамирчдын нэг Кристиано Роналду өнгөрсөн долоо хоногт 900 гоол оруулсан анхны эрэгтэй хөлбөмбөгчин болсон тухай бид өмнө нь мэдээлсэн. Энэ мэдээлэлтэ зэрэгцэн тэр сошиалд нэг тэрбум дагагчтай анхны алдартан болж түү бүтээлээ.

Тэрбээр инстаграм дээр хамгийн олон дагагчтай буюу 639.061.429, фэйсбүүкт 170.509.113, твиттерт 113.026.345, YouTube сувагт 60.500.284, Хятадын KuaiShou-д 9.372.710 мөн Weibo-д 7.530.121 дагагчтай болсноор тэрбумд хүрсэн ажээ. 

Тэрбээр энэ талаараа, "Энэ тоо бол зүгээр ч нэг тоо биш юм. Намайг дагаж, дэмжиж байгаа хүн бүр үнэ цэнэтэй цаг хугацаагныхаа багахан хэсгийг надад зориулж байна гэхээр үнэхээр бахдам сэтгэл төрж байна. Бас мөн энэ зэрэгт хүрнэ гэдэг асар их хичээл зүтгэл орсон юм шүү. Намайг дэмждэг бүх хүмүүстээ баярлалаа" хэмээв. 

Л.Баяр