"Парис 2024" олимпын наадмын байт харвааны багийн төрөлд дэлхийн шилдгүүд хуран цугласнаас Өмнөд Солнгос улсын эмэгтэй баг аваргаллаа. Ингэснээр тэд 1988 оноос хойш тасралтгүй ес дэх удаагаа олимпын аварга болж байна. 

Олимпийн наадамд байт харвааны хамгийн амжилттай улс бол Солонгос юм. Тус улс 1984 онд Лос-Анжелес хотноо болсон Олимпийн байт харвааны тэмцээнд анхны гараагаа хийсэн бөгөөд түүнээс хойш 23 алт, есөн мөнгө, долоон хүрэл нийт 39 медаль хүртээд байна. Солонгосын эмэгтэй баг 1988 оноос хойш найман удаа зохиогдсон багийн төрөлд нэг ч удаа хожигдож байгаагүй. Энэ удаа ч тэд хожигдсонгүй.

Солонгос улс Рио 2016 олимпийн наадмаас анх удаа байт харвааны бүх төрөлд аваргалсан түүхтэй. 

Л.Баяр