Хөлбөмбөгийн ЕАШТ тэмцээн дуулиантайхан өрнөж байна. Өнгөрсөн шөнө шөвгийн 16-ийн сүүлийн тоглолтууд болж, хагас шигшээ шатны найман багийн нэрс тодорлоо. 

Энэ тэмцээнд бэлтгэл сайн гэгдээд байгаа Швейцарын шигшээ баг А хэсэгт багтаж, хоёрдугаар байраар шалгарсан. Улмаар хасагдах шатанд өмнөх тэмцээний аварга Италийн багийг 2:0-ээр хожсон. Харин А хэсгийг тэргүүлсэн талбайн эзэн Германы баг С хэсгийн дэд байраар шалгарсан Данийг 2:0-ээр хожиж, шөвгийн наймд үлдэв. 

В хэсгийн нэгээр шалгарч, хэсгийн шатанд нэг ч хожигдоогүй, хаалгандаа бөмбөг алдаагүй цор ганц баг бол Испанийн шигшээ. Тэд хасагдах шатанд анх удаагаа ЕАШТ-д орж байгаа Гүржийг 4:1-ээр хожсон. Нөгөө талд Английн шигшээ баг Словакийг 2:1-ээр арай чүү ялсан билээ. 

Бельгийн шигшээ баг хэсгийн шатанд тааруу байсан. Тэд Францын багт ялагдаж, гэртээ харив. Роналдугаар ахлуулсан Португалын шигшээ баг Словенитэй тэнцээгээр өндөрлөж, улмаар торгуулийн цохилтоор ялалт байгуулсан. 

Өнгөрсөн шөнө хэсгийн шатандаа муу байсан Нидерландын шигшээ баг Румыны багийг 3:1-ээр хожив. Харин сайн гэгдээд байгаа Туркийн шигшээ өнгөрсөн шөнө өөрсдийгөө баталж, Австрийн хүчирхэг багийг гэрт нь буцаалаа. 

Л.Сайнаа