“M*A*S*H”, “Klute”, “The Hunger Games” зэрэг кинонд тоглосон ахмад жүжигчин Доналд Сазерланд 88 насандаа хорвоогийн мөн бусыг үзүүлжээ.

Сазерланд Пүрэв гарагт Майамид нас барсан гэж түүний агентлаг мэдээлэв. Доналд Сазерландын хүү Кифер Сазерланд Пүрэв гарагт Инстаграм хуудсандаа "Миний аав Доналд Сазерлэнд таалал төгссөнийг дуулгахад харамсалтай байна. Би хувьдаа кино урлагийн түүхэн дэх хамгийн чухал жүжигчдийн нэг гэж боддог. Сайн ч, муу ч, муухай ч дүрд чадварлаг нь байсан. Тэр мөрөөдлөөрөө сайхан амьдарсан" гэж бичжээ.

Доналд Сазерланд Праймтайм, Эммигийн шагнал, хоёр удаагийн Алтан бөмбөрцөг зэрэг маш олон нэр хүндтэй шагнал хүртсэн. Түүнийг Академийн шагналд нэр дэвшиж байгаагүй шилдэг жүжигчдийн нэг гэдэг байсан ч 2017 онд Оскарын наадмын нэрэмжит хүндэт шагнал хүртсэн билээ.

Л.Сайнаа