Гиннесийн дээд амжилтын номонд хамгийн удаан ажилласан онгоцны үйлчлэгчээр бүртгэгдсэн Бетт Нэш 88 насандаа таалал төгссөнийг "American Airlines"-аас мэдэгджээ.

"American Airlines" компани X-д нийтэлсэн мэдэгдэлдээ "Бараг далан жилийг агаарт үйлчлүүлэгчдээ халуун дулаанаар халамжилж амьдарсан Бетт Нэшийг алдлаа. Тэр 1957 онд анх ажиллаж эхэлсэн бөгөөд хамгийн удаан ажилласан онгоцны үйлчлэгчээр Гиннесийн дээд амжилтыг эзэмшдэг. Бетт үе үеийн онгоцны үйлчлэгч нарт урам зориг өгсөн. Өндөрт нисээрэй, Бетт" гэжээ.

Нэш карьераа 1957 оны 11 дүгээр сарын 4-нд Вашингтон ДС дахь сүүлд татан буугдсан "Eastern Airlines" компанид эхлүүлсэн.

Л.Сайнаа