3х3 сагсанбөмбөгийн эрэгтэй шигшээ баг Унгар улсад зохион байгуулагдаж буй "Парис-2024" Олимпийн эрх олгох тэмцээний D хэсгийг тэргүүлж, хасагдах шатанд шалгарлаа. Багийн бүрэлдэхүүнд Э.Дөлгөөн, А.Ананд, Д.Дэлгэрням, О.Энхбаатар нар багтсан. Монголын эрэгтэй шигшээ баг Польш, Бельги, Японы багуудтай нэг хэсэгт багтаад байсан юм.
Өнөөдөр манай улсын баг японы шигшээ багийг буулган авснаар хэсгээ тэргүүлж байна.
Олимпийн эрх олгох тэмцээний хэсгийн тоглолтуудад манай улсын эрэгтэй шигшээ баг нийт авсан оноогоороо тэргүүлж байгаа аж. Харин хасагдах шатанд Изралийн шигшээ багтай оноолт таарчээ. Тус тоглох тоглолт өнөөдөр 22:15 цагаас болох юм.
