ОХУ-ын Батлан хамгаалахын сайд Сергей Шойгуг энгийн нэг эдийн засагч Андрей Белоусовоор солих тухай ОХУ-ын Ерөнхийлөгч Владимир Путины шийдвэр олон хүнийг гайхшируулж байна.
Эдийн засагч Андрей Белоусовыг Батлан хамгаалахын сайдаар гэнэтийн байдлаар сонгосон нь Орос улс эдийн засгаа дайны нөхцөлд байдалтай уялдуулж байгаагийн хамгийн тод илрэл төдийгүй Украин дахь Оросын цэргийн хувь заяа барууны орнуудтай зэвсэг үйлдвэрлэх уралдаанд ялалт байгуулахаас ихээхэн шалтгаалахаар харагдаж байна. Лондонгийн Кингс коллежийн Оросын улс төрийн профессор Сэм Грин “Белоусовыг томилсон нь нэг талаараа дайн эдийн засагт хэр төвлөрч, эдийн засаг нь дайнд хэр төвлөрч байгааг хүлээн зөвшөөрч буй хэрэг” гэж хэлжээ.
Тэгвэл бид та бүхэнд ОХУ-ын шинэ Батлан хамгаалахын сайд Андрей Белоусовыг танилцуулж байна.
Андрей Ремович Белоусов нь 1959 оны гуравдугаар сарын 17-нд Москва хотод төрсөн. Оросын төр, цэрэг, улс төрийн зүтгэлтэн, эрдэмтэн , эдийн засагч юм. Мөн "Оросын төмөр зам " ХК-ийн ТУЗ-ийн дарга ажээ. 2020-2204 онд ОХУ-ын Ерөнхий сайдын нэгдүгээр орлогч, 2013-2020 онд ОХУ-ын Ерөнхийлөгчийн эдийн засгийн асуудал эрхэлсэн туслах , 2012-2013 онд ОХУ-ын Эдийн засгийн хөгжлийн сайд, 2020 онд мөн ОХУ-ын Засгийн газрын даргын үүрэг гүйцэтгэгч байсан. Оросын Байгалийн Шинжлэх Ухааны Академийн корреспондент гишүүн . Эдийн засгийн ухааны доктор, ОХУ-ын гавьяат эдийн засагч, ОХУ-ын Төрийн зөвлөхийн үүрэг гүйцэтгэгч, 1-р зэрэгтэй хүн юм.
Хоёр удаа гэрлэсэн. Түүний хоёр дахь эхнэр 1961 онд төрсөн Лариса Владимировна Белоусова нь "Славян хаус" компанийг удирддаг. Түүний хүү Павел нь 1994 онд төрсөн. 2011 онд Бауманы нэрэмжит Москвагийн Улсын Техникийн Их Сургуульд сурсан байна. Харин төрсөн дүү Дмитрий нь Макро эдийн засгийн шинжилгээ, богино хугацааны таамаглалын төвийн (TsMAKP) тэргүүлэх мэргэжилтэн юм.
Шагнал:
- "Москвагийн 850 жилийн ойн дурсгалд" медаль (1997)
- ОХУ-ын Ерөнхийлөгчийн талархал - ОХУ-ын Төрийн зөвлөлийн үйл ажиллагааг хангахад оруулсан хувь нэмрийн төлөө (2005 оны 9-р сарын 1) [36]
- ОХУ-ын гавьяат эдийн засагч (2007 оны 6-р сарын 12) - төрийн эдийн засгийн бодлогыг хэрэгжүүлэхэд оруулсан хувь нэмэр, олон жилийн ухамсартай хөдөлмөр [37]
- Хүндэт өргөмжлөл (2009 оны 6-р сарын 14) - хөдөлмөрийн амжилт, ухамсартай урт хугацааны хөдөлмөрийн төлөө [38]
- "Агаарын хүчний 100 жил" медаль (2012)
Л.Сайнаа
