Сан Антонио Спөрс багийн том тоглогч Виктор Уэмбаньяма NBA-ийн оны шилдэг шинэ тоглогч боллоо. Мөн тэрбээр Францаас энэ шагналыг хүртсэн анхны тоглогч юм.

Түүний хувьд 2023 оны NBA-ын драфтын хамгийн эхний сонголтоор лигт нэгдсэн. Өдгөө 20 настай тэрбээр хэвлэл мэдээллийн 99 гишүүний санал хураалтаар Оклахома Сити Тандер багийн Чет Холмгрен, Шарлотт Хорнетс багийн Брэндон Миллер нарыг тэргүүлж, энэ шагналыг хүртэв. 

Шагнал авсныхаа дараа тэр "Миний зорилго бол багтаа аль болох сайн тусалж, жил ирэх тусам илүү сайн болох явдал юм. Үүнийг хийхийн тулд талбайгаа хүн бүрээс илүү сайн байх ёстой гэдгээ ойлгосон" гэв. 

Төвийн довтлогчийн хувьд тэр 21.4 оноо, 10.6 самбараас бөмбөг авалт дунджилж, 71 тоглолтод 3.6 бөмбөг таслалт хийснээр лигийг тэргүүлсэн.

Тэрбээр мөн лигийн түүхэнд нэг улиралд 1500-аас дээш оноо (1522) авсан, 250 хаалт хийсэн (254) болон 100 удаа 3 онооны шидэлт (128) хийсэн анхны тоглогч болоод байна. 

Л.Сайнаа