Кино урлагийн салбарт өөрсдийн өнгийг тодорхойлсон "Фантастик" продакшны 17 дахь уран бүтээл болох “Зура 3:Цэвэрлэгээ” УСК дахин нэг дээд амжилт тогтоолоо. Тухайлбал, тус киноны тасалбар 20 хоногт 200 мянга борлуулагджээ.
“Зура 3:Цэвэрлэгээ” УСК” энэ сарын 7-нд нээлтээ хийснээс хойш кино театруудын дэлгэцээс буусангүй, дүүрэн суудалтай байгаа нь үзэгчдийн хүлээлтийг илтгэж буй. Энэ утгаараа олон нийт, кино шүүмжлэгчдээс өндөр үнэлгээ аваад байна. Мөн дэлхийн өнцөг булан бүрт амьдарч буй монголчууддаа тус киногоороо уулзах аж.
