Унгар улсын нийслэл Будапешт хотноо энэ сарын 10-наас 15-ны өдрүүдэд үргэлжилсэн олон улсын циркчдийн 15 дахь удаагийн наадмаас Монголын "Troupe Zola" хамтлаг гранпри шагнал хүртжээ.

Хоёр жил тутамд зохион байгуулагддаг, дэлхийн циркийн хамгийн нэр хүндтэй наадмуудын нэг болох Будапештийн олон улсын циркийн 15 дахь удаагийн наадмын хүрэл медалийг мөн Монголын уран нугаараачид хүртсэн байна.