Энэтхэгийн өмнөд хэсэгт орших нэгэн мужид ховор тохиолддог, үхлийн аюултай Нипах вирусаар хоёр хүн нас барсны дараа вирусын дэгдэлтийг зогсоох арга хэмжээ авч, тархахаас урьдчилан сэргийлэхийн тулд сургуулиудыг хааж, олон зуун хүнийг шинжилгээнд хамруулж байна.
Керала мужийн ерөнхий сайд Пинарай Вижаян тус мужийн Кожикоде дүүрэгт вирус илэрсэн гэдгийг дуулган иргэдийг болгоомжтой байж, эрүүл мэндийн газрын аюулгүй байдлын удирдамжийг дагаж мөрдөхийг уриалав.
Энэ нь тус мужид 2018 оноос хойш тохиолдож буй дөрөв дэх дэгдэлт байжээ.
Нипах нь амьтнаас хүнд дамждаг зоонозын вирус гэж Дэлхийн эрүүл мэндийн байгууллага (ДЭМБ) мэдээллээ. Гэсэн хэдий ч энэ нь бохирдсон хоол хүнсээр дамжих эсвэл хүмүүсийн хооронд шууд замаар дамжих боломжтой.
Шинж тэмдгүүд нь ихэвчлэн толгой өвдөх, нойрмоглох зэргээр эхэлдэг ч хэдхэн хоногийн дотор хурдан комд ордог гэж АНУ-ын Өвчний хяналт, урьдчилан сэргийлэх төвөөс мэдээлэв. Энэ нь амьсгалын замын цочмог хам шинж буюу уушиг нь бие махбодид хангалттай хүчилтөрөгч авч чадахгүй байх, үхлийн энцефалит буюу тархины үрэвсэл үүсгэдэг.
