ОХУ-ын Анапа хотноо болсон 32 дахь удаагийн "Киношок-2023" Олон улсын кино наадмаас Монгол кино гурван шагнал хүртлээ. Тодруулбал, тус наадам есдүгээр сарын 2-9-ний хооронд зохион байгуулагдсан бөгөөд энэхүү фестивалийн Үндсэн хэсэг буюу Бүрэн хэмжээний кино хэсэгт найруулагч Ж.Сэнгэдоржийн бүтээл "Худалдагч охин" кино өрсөлдсөн юм.

Уг фестивалиас “Шилдэг зохиол”, “Шилдэг хөгжмийн зохиолч” болон наадмын гол шагнал болох “Шилдэг кино” буюу “Золотая Лоза” гэсэн гурван шагналыг "Худалдагч охин" уран сайхны кино хүртэж Монголын кино урлагийн шагналын буухиаг үргэлжлүүлсэн баярт үйл явдал боллоо.