"Татар" хамтлаг, 20 жилийн ойн "Бороо" тоглолтынхоо талаар мэдээлэл өглөө. Энэ үеэр дараах мэдээллийг өгсөн юм.
"Татар хамтлагийн 20 жилийн ойн хүрээн дэх том ажлуудын нэг бол кино байгаа. Энэ гурван залуу хаанаас өсөж өндийж, яаж хамтлагаа байгуулсан зэрэг түүхийг өгүүлсэн 9 ангит УСК хийх гэж байна. Эхний гурван ангид бага нас, дараагийн ангиуд дээр ТАТАР хамтлагийн залуус өөрсдөө тоглоно. 70 гаруй хүүхдээс гурван хүүхдийг сонгон шалгаруулж авсан. Киногоор дамжуулан Татарын тухай мэдээгүй, сонсоогүй амьдралынх нь тухай намтарчилсан түүхийг үзэхээс гадна тухайн он жилүүдэд нийгэмд юу болж байсныг тольдон харах боломжтой кино болно" гэв.
