Фейсбүүкт 21 сая, инстаграмд 4.4 сая, Youtube сувагт 12.1 сая дагагчтай Изриаль гаралтай, алдартай влогер "Nas Daily" буюу Нусейр Ясин манай улсад удахгүй ирэх гэж байна. Тэрбээр энэ тухайгаа өөрийн сошиал хуудсаар дамжуулан мэдэгдэв. 

Тэдний энэхүү үйл ажиллагаанд Монгол улсын засгийн газар, Байгаль орчин, аялал жуулчлалын яам, Соёлын яам хамтран ажиллаж байгаа юм байна. Тэдний үйл ажиллагааг дэмжин олон улсад салбартай "Nas Sammit" хамтран зохион байгуулахаар болсон гэнэ. "Nas Sammit"  нь дэлхийн өнцөг булан бүрт байгаа бүтээгчдийг цуглуулж хамтдаа сурч, хөгждөг дэлхийн хэмээний арга хэмжээ юм. Түүнчлэн Ясины хамт алдартай 20 сошиал контент бүтээгчид хүрэлцэн ирж, контент бүтээх талаар сургалт зохион байгуулж, хамтдаа контент бүтээнгээ Монгол орныг тойрон аялах ажээ. 

Түүний хувьд 1992 онд төрсөн, өдгөө 31 настай. Изриалийн Арраба хотод Палистин гаралтай, лалын шашинтай гэр бүлд мэндэлсэн. Мөн тэрбээр Харвардын их сургуулийг дүүргэсэн юм. 

Л.Сайнаа