Лионел Месси Францын ПСЖ клубтэй хийсэн гэрээгээ дуусгавар болгож, АНУ-ын MLS лигийн Интер Маими багт тоглохоор болсон билээ. Тэгвэл өнгөрсөн ДАШТ-ы дараагаар Саудын Арабын лигт тоглож эхэлсэн Кристиано Роналду түүнийг шинэ багтаа тоглож эхэлсэн эхний өдөр "Манай Саудын Арабын лиг Мессигийн тоглож байгаа "MLS" лигээс хавь илүү" гэжээ. 

Мессид Саудын Арабын клубт элсэх маш том гэрээ санал болгосон ч дэлхийн аварга Парис Сен-Жерментэй хийсэн гэрээний хугацаа дууссаны дараа АНУ руу нүүхээр шийдсэн юм. "Саудын лиг MLS-ээс илүү" гэж Роналду Аль Насср баг нь улирлын өмнө Сельта Виготой нөхөрсөг тоглолтод 5:0-ээр хожигдсоны дараа хэлсэн гэж Ройтерс агентлаг мэдээллээ. 

"Одоо бүх тоглогчид энд ирэх болно. Нэг жилийн дараа Саудын Арабт илүү олон шилдэг тоглогч ирэх болно" гэж Роналду хэлжээ. Тэрбээр өнгөрсөн арванхоёрдугаар сард Манчестер Юнайтедаас явсныхаа дараагаар Аль Нассртай 200 сая евро буюу 220.16 сая доллараар үнэлэгдэх хоёр жил хагасын гэрээнд гарын үсэг зурсан юм. 

Л.Сайнаа