"Хүрээ цам-Даншиг наадам 2023" шашин соёлын наадмыг наймдугаар сарын 5-6-ны өдрүүдэд Хүй долоон худагт зохион байгуулах тов гарлаа. Даншиг наадмын бөхийн барилдаан долоо дахь удаагаа болох гэж байна.
Энэ наадамд улсын арслан Р.Пүрэвдагва дөрвөн жил дараалан түрүүлж, дархан аварга цол хүртсэн нь хамгийн дээд амжилт юм.
Харин 2019 онд улсын өсөх идэр начин Ч.Хөхчирэнгэр, 2022 онд улсын харцага Л.Лха-Очир түрүүлж, даншгийн арслан цол хүртээд байна. Энэ жилийн даншиг наадамд 256 бөх барилдах тул бөхчүүд, үзэгчид та бүхэн өргөнөөр оролцоно уу.
