Урлагийн гавьяат зүтгэлтэн, хөгжмийн зохиолч, продюсер Батмөнхийн Чинбат АНУ-ын “Disney On Ice” Шоуны хөгжмийн зохиолчоор ажиллахаар болжээ. Тэрбээр өчигдөр өөрийн цахим хуудаснаа энэхүү баярт мэдээгээ хуваалцлаа.
"Америкийн Нэгдсэн Улсын “Disney On Ice” шоуны хөгжмийн зохиолчоор шалгарсандаа баяртай байна. Та нартайгаа хуваалцмаар санагдлаа. Мөн дэлхийд алдартай 104 жилийн түүхтэй “Ringling Brothers & Bailey” Greatest show on earth цирк тодорхой хугацаанд хаагдаж байгаад дахин нээлтээ хийхээр ажиллаж эхэллээ. Энэ шоуны Хөгжмийн зохиолчоор ажиллах хүнд бөгөөд хариуцлагатай ажилд томилогдлоо" хэмээн нийтэлжээ.
Ийнхүү Монголын хөгжмийн урлагт түүхэн үйл явдал бичигдэж, монгол хүн дэлхийн сонорыг өөрийн бүтээлээр мялаах бахдам амжилтын эзэн боллоо.
