Кино урлагийг дэмжих сангаас 2022 онд  санхүүжүүлсэн “Алтан Өргөө” олон улсын кино наадам нь энэ жил зургадугаар сарын 07-11-ний өдрүүдэд боллоо. Уг наадамд 68 улсын 291 бүтээл, Монгол улсаас 25 бүтээл хүлээн авсан бөгөөд зургадугаар сарын 11-ний өдөр шагнал гардуулах ёслол амжилттай болж өндөрлөв.

Энэхүү үйл ажиллагааны үеэр Монголын Үндэсний Кино Урлагийн зөвлөлийн гишүүн Б.Пүрэвдорж, Н.Уранчимэг нар “Mongolia Best Story”, “Mongolia Best Art” шагналуудыг гардуулав.

Тус кино наадам нь Тэнгис кино театрт амжилттай зохион байгуулагдсан бөгөөд Монголын үзэгчдийн кино урлагийн боловсролыг дээшлүүлэх, уран бүтээлчдийн уран чадварыг хөгжүүлэхэд хувь нэмэр оруулах, Монголын кино урлагийн шинэ давлагааг түүчээлэх зорилготой юм.