*******************************************************************************************
Бидний сайн мэдэх "Амазон"-ы үүсгэн байгуулагч, дэлхийн хамгийн баян эрхмүүдийн нэг Жефф Безос болон түүний хамтран амьдрагч, найз бүсгүй Лорен Санчес нар сүй тавьсан гэж хосын ойрын эх сурвалж CNN-д мэдээлжээ. Одоогоор хурмын тов тодорхойгүй байгаа гэнэ.
Безос, телевизийн сэтгүүлч асан, эдүгээ буяны үйлстэн Санчес нар анх 2019 онд дотно харилцаагаа олон нийтэд ил болгосон. Тэд болзож эхэлснээс хойш хамтдаа амьдралынхаа нарийн ширийн зүйлийг янз бүрийн арга хэмжээн дээр зургаа авахуулахаас бусдаар нууцалж байлаа. 2022 онд хосууд Вашингтон хотод байх гэртээ CNN-ий сэтгүүлчтэй ярилцаж, тухайн үед Безос хөрөнгийнхөө дийлэнхийг буяны үйлсэд зориулах хүсэлтэй явдаг тухайгаа ярьсан байдаг.
Эммигийн шагналт найз бүсгүйгээ Безос өөртэй нь урьд хожид уулзаж байсан хамгийн өгөөмөр, сайхан сэтгэлтэй нэгэн гэж хэлсэн байдаг.
Л.Сайнаа
