Хөгжмийн зохиолч И.ДУНАЕВСКИЙН нэрэмжит Олон улсын дуулаачдын уралдаанд Л.Түвшинсайхан амжилттай оролцож хоёр төрөлд тэргүүн байр эзэллээ. ОХУ-ын Москва хотноо зохион байгуулагдсан энэхүү уралдаан нь 12 дахь жилдээ болж буй. Л.Түвшинсайхан нь Дорнод Хөгжимт Драмын Театр-ын гоцлол дуучин билээ. Тус уралдаанд ОХУ, БНХАУ, Израиль, Бүгд Найрамдах Беларусь Улс, , Казахстан, Армени, Гүрж, Иран зэрэг орны 260 гаруй дуучин финалд өрсөлдөж дуучин Л.Түвшинсайхан 26-35 насны ангилалд,
- Академический вокал буюу “Сонгодог дуурь”-ийн төрөлд тэргүүн байр,
- Эх хэлнээ дуулсан “Сонгодог дуурь”-ийн төрөлд мөн тэргүүн байрыг тус тус хүртсэн бахархам амжилт үзүүллээ.
Тэрбээр өнгөрсөн онд Бүгд Найрамдах Чечень Улсад болсон ЗХУ-ын Ардын жүжигчин Муслим Магомаевын дурсгалд зориулсан "Орфей" V олон улсын уралдаанаас тус улсын Соёлын сайдын нэрэмжит шагнал хүртэж байсан юм.
