*************************************************************************************************************************************************************
Холливудын алдарт жүжигчин, Хоёр удаагийн Оскарын шагналт, 79 настай Роберт Де Ниро шинэхэн хүүхдээ өлгийджээ. Тэрбээр өөр долоон хүүхдийн эцэг юм.
Де Нирогийн анхны эхнэр “Taxi Driver” кинонд цуг тоглосон жүжигчин Дианне Эббот юм. Тэд хоёр хүүхдийн эцэг эх болж байжээ. Дараа нь тэр жүжигчин Грэйс Хайтовертай 2018 он хүртэл хамт амьдрахдаа бас хоёр хүүхдийн эцэг болсон байна. Эдгээрээс өмнө 1980-аад оны сүүлээс 1990-ээд оны эхэн үе хүртэл модель Туки Смиттэй найзалж байхдаа Де Ниро хоёр хүүтэй болж байжээ.
Цаг үеийнхээ хамгийн алдартай жүжигчин гэгдэг Роберто Де Ниро 40 хүрэхээсээ өмнө хоёр удаа Оскарын шагнал хүртэж байв. Эхний шагналаа 1974 онд “The Godfather II” кинонд бүтээсэн туслах дүрээрээ, хоёр дахь шагналыг 1981 онд “Raging Bull” кинонд бүтээсэн гол дүрээрээ авч байжээ. Тэрбээр одоо тавдугаар сарын 26-нд АНУ даяар нээлтээ хийх “About My Father” киногоо сурталчилж байгаа гэнэ.
Энэ тухай Роберт Де Ниро "Энэ бүхэн нууц байх ёстой. Би ямар чөтгөр нь болоод байгааг мэдэхгүй байна" гэж мягмар гарагт хальт ярьжээ. Сонирхуулахад, Холливүүдийн бусад алдартнуудаас найруулагч Жорж Лукас 69 настайдаа, Чарли Чаплин, Мик Жаггер нар хоёул 73 насандаа эцэг болж байжээ.
Л.Сайнаа
