"Bravo circus-2" циркийн тоглолтын талаар “Циркус Монголиа Хадгаа”  циркийн захирал Ч.Хатанбаатар мэдээлэл өглөө. 

Тэрбээр "Циркийн урлаг Монгол Улсад 82 жилийн түүхтэй хөгжсөөр ирлээ. Сүүлийн үед циркийн урлаг үзэгчдээсээ холдсон. Нэгэн үеийн хүүхэд багачууд циркийг мэдэхгүйгээр өссөн харамсалтай цаг хугацааг туулсан. "Bravo circus" нэгдэл дэлхийн циркийн шилдэг үзүүлбэрүүдийг Монголын хүүхэд багачууддаа үзүүлэхээр зорьж жилд хоёр удаа олон улсын циркийн үзүүлбэрүүдийг үзүүлдэг уламжлал тогтсон. Энэ удаагийн циркийн тоглолт гуравдугаар сарын 23-наас дөрөвдүгээр сарын 2-ны өдрүүдэд тоглогдоно.

Инээдмийн баярыг цирктэй, циркийн алиалагчтай хамтран тэмдэглэх болно. Тоглолтод дэлхийн циркийн урлагийн шилдэгийн шилдэг 12 улсын 88 жүжигчид болон сургуультай амьтдын үзүүлбэрүүд хүлээж байна.

Тал талаас, дэлхийн өнцөг булан бүрээс циркчид цуглах болно. Гиннесийн рекорд эвдсэн үзүүлбэрийг Монголынхоо хүүхэд багачуудад үзүүлнэ" гэв. 

Д.Батчулуун