Улс оронд даяар балетын урлагаар хичээллэж буй авьяаслаг хүүхэд багачууд, залуу бүжигчдийн боломжийг нэмэгдүүлэх, балетын сургалтын чанарыг дээшлүүлэх, сургалтын байгууллагуудын холбоо харилцааг үүсгэн бататгах зорилгоор уламжлал болгон зохион байгуулдаг Монголын балетын үндэсний уралдаан зарлагдлаа.
Тус уралдаан тав дахь удаагаа зохион байгуулагдаж байгаа бөгөөд гуравдугаар сарын 24-26-ны өдрүүдэд Улаанбаатар хотод болно. Уралдаанд нийслэл, орон нутгаас болон Монгол Улсад нэгээс дээш жил амьдран, балетаар суралцаж буй гадаад оролцогч, гадаад улсад суралцаж буй монгол уран бүтээлчид оролцох боломжтой аж.
