Энэ сарын 11-нд зохион байгуулагдсан 80 дахь удаагийн "Алтан бөмбөрцөг" шагнал гардуулах ёслолоос "Гадаад хэл дээрх шилдэг кино" номинацид нэр дэвшсэн, "Шилдэг киноны дуу" төрөлд тэргүүлсэн Энэтхэгийн "RRR" кино дэлхийн кино шүүмжлэгчидийн шагналын хамгийн томд тооцогддог "Critics' Choice Awards"-ын эзэн болжээ. Энэ нь Азийн кино урлаг шинэ түвшинд гарч буйн өөр нэг илрэл хэмээгдээд байна. 

Лос Анжелес хотноо зохиогдсон 28 дахь удаагийн "Critics' Choice Awards" шагнал гардуулах ёслолоос уг кино "Гадаад хэл дээрх шилдэг кино" болон "Наату Наату" дуугаараа шилдэг киноны дуу төрөлд шагнал хүртжээ. "RRR" бүтээл нь "Аргентин 1985" зэрэг кинонуудтай өрсөлдсөн билээ. Энэ үеэр тус бүтээлийн найруулагч С.С.Ражамули хэлсэн үгэндээ "Миний амьдралд буй бүх эмэгтэйчүүдэдталархал илэрхийлье" хэмээжээ.  

Уг киноны дуу Youtube сувагт өнгөрсөн оны есдүгээр сард байршиж, 223 сая хандалтыг аваад байна. 

Л.Сайнаа