Уул уурхай, хүнд үйлдвэрийн яамны дэд сайд О.Батнайрамдал шатахууны үнийн талаар дараах мэдээллийг өглөө.
Тэрбээр "Дэлхийн зах зээлд газрын тосны түүхий эдийн үнэ буурсантай холбоотойгоор дизель түлш, АИ 95 шатахууны үнэ литр тутамдаа 300 төгрөгөөр буурсан. Дэлхийн эдийн засгийн өсөлт удаашралтай, хамгийн том худалдан авагч болох БНХАУ-ын эдийн засгийн өсөлт саарсантай холбоотойгоор брэнд маркийн түүхий газрын тосны үнэ дэлхийн зах зээлд сүүлийн нэг сарын хугацаанд уналттай байгаа юм.
"Өчигдрийн байдлаар нэг баррель нь 96 доллар болж буурсан байна. Хэрэв энэ хэвээр үргэлжилбэл, дараа сард үнэ буурах хүлээлт байна"
Намрын ургац хураалтын үеэр дизель түлшний үнэ бууж байгаа нь сайшаалтай хэрэг. ХХААХҮЯ-ны мэдээлснээр энэ намрын ургац хураалтад 10 мянга орчим тонн дизель түлш шаардагдана гэсэн.
Харин АИ 92 шатахууны хувьд ОХУ-ын Роснефть ХХК-тай хийсэн хэлцлийн дагуу он дуустал нэг тонн шатахууныг 830 доллароор авна. Тиймээс он дуустал 2390 гэсэн үнэ өөрчлөгдөхгүй" гэв.
Т.Мөнхжаргал
