Хөгжлийн банкны чанаргүй зээлийн талаарх “Өөрөөр нь төлүүлье” хэлэлцүүлэг болж байна. Хэлэлцүүлгийн эхний хэсэгт  Монгол банкны тэргүүн дэд ерөнхийлөгч Дөлгөөн мэдээлэл хийлээ. Тэрбээр “Төв банк 2017 онд Монгол улсын хөгжлийн банкны тухай хуулийн шинэчилсэн найруулга дээр өөрчлөлт орсон байгаа. Үүний хүрээнд төв банкны арилжааны газар бусад банкны адил хөгжлийн банкыг  шалгадаг болсон. Тэр дундаа сар бүр, өдөр тутмын тайлан баланс дээр дүн шинжилгээ хийж ирсэн. 2021 оны арваннэгдүгээр сард төв банк хяналт шалгалтаа хийсэн. Энэ шалгалтын дүгнэлтүүд дээр өөрсдийн эх үүсвэрийн тал дээр валютын ханшийн доллар асар их хэмжээнд орсон. Хамгийн гол асуудал бол самурай бондын асуудал байна” гэлээ.