БАРИМТ 1
2021 ОНД ХУЛГАНА ЖИЛТЭН Үхэр таны хувьд сайхан жил байх болно. Ялангуяа тавдугаар сард өөрчлөлт гарахад, шинэ санаа, шинэ боломж мэргэжил, санхүүгийн хувьд гарч ирнэ. Тодорхой зорилго тавьж, сайн үр дүнд хүрнэ. Таны ажигч зан, өөрийгөө барих чадвартай зөн совин зэрэг зан зөрчилдөөнөөс гарахад тус болно. 2021 онд эрүүл мэнд асуудалгүй, та маш идэвхтэй байх болно. Гэхдээ ажлын графиктаа анхаарч, хэт их хөдөлмөрлөх хэрэггүй.
БАРИМТ 2
ХУЛГАНА ЖИЛТЭН Түүнтэй урт удаан хугацаанд харилцаад ирэхэд хийрхэг, тогтворгүй, түргэн зангаа гаргаж, эхэлнэ. Тэр хэрүүл маргаан, шуугиан дэгдээдэг хүн. Тиймээс түүнд жинхэнэ найзууд гэхээсээ илүү танил олон байдаг. Өөрөө ч хүнд тэр бүр итгэж, нууцаа дэлгэдэггүй. Ямар ч юмнаас хувийн ашиг хонжоо олохыг илүүд үздэг. Хов жив ярих дуртай. Өөрийн гоо үзэмжийг чадварлагаар ашигладаг. Тэр ирээдүйн амьдралдаа байнга санаа зовдог. Энэ жилд төрсөн эмэгтэй юм хурааж, цуглуулдгаараа бусдаас ялгардаг. Хулгана жилтнүүдийн уран сэтгэмж нь сайн хөгжсөн байдаг. Үүсгэн байгуулагч, зохион бүтээгч болж чадах ч хамгаас гайхалтай шүүмжлэгч болно. Хэрэгтэй үед чухал зөвлөгөө өгдөг. Зарим нэг нь аюултай шийдвэр гаргадаг, өөрийн таашаалыг хүртэхийн тулд бүхнийг устгаж чадна. Түүнийг яльгүй бэртэгчин зантай гэж болох ч үнэнч шударга. Ажил нь нурах байсан ч эцсийг нь хүртэл нь явдаг. Хэрвээ зам зуурын цэнгэлд татагдахгүй, байнга чамлаад байхгүй бол өөрийн амьдралаа зохиож, түүндээ сэтгэл хангалуун байж чадна. Хулгана жилтнүүд хөдөлмөрөөр бус харин заль хэрэглэж, амьдрахыг эрхэмлэх талтай. Бусдын нөр их хөдөлмөрийг ашиглан олон зүйлийг олж авдаг. Хулгана улс төрд амжилт гаргаж чадна, алдартай жүжигчин ч болно. Биеийн хүчний ажлаас илүү оюун ухааны ажил түүнд зохино. Сайн эргэцүүлэн боддогоосоо гадна уян хатан байдаг. Хайртай хүмүүстээ агуу сэтгэлтэй ханддаг. Зөвхөн хайр дурлалд л өөрийгөө илэрхийлдэг.
БАРИМТ 3
2021 ОНД ҮХЭР ЖИЛТЭН Хувийн амьдралд өөрчлөлт гарч, мэргэжлийн хувьд ч олон зүйл хувьсан өөрчлөгдөнө. Нөр их хөдөлмөр, тайван, тэвчээртэй зангийнхаа ачаар арвин их ургац хурааж, томоохон амжилтад хүрнэ. Харин хэт зөрүүдлэх хэрэггүй. Нийгмийн амьдралд танигдаж, олны анхаарлын төвд орж, өөрийнхөө ашиг сонирхлыг зөв илэрхийлж чадна. Та олон нийтийн арга хэмжээнд оролцож, шинэ найз нөхөдтэй болбол их сайн. Эрүүл мэнд хэвийн байна. Гэхдээ мэдрэлээ хэт ачаалуулах хэрэггүй. Амьсгалын систем, хоолой, ходоодтой холбоотой өвчиндөө онцгой анхаараарай.
БАРИМТ 4
ҮХЭР ЖИЛТЭН Хүмүүсийг илэн далангүй байлгаж чадах авьяастай. Үхэр бол бясалгагч, тиймээс ч ганцаардлыг эрхэмлэдэг байж магадгүй. Түүний тайван гадаад байдал нь хуурмаг, үүний цаана жинхэнэ түргэн зантай хүн байдаг. Уур хилэнд автах нь ховор. Нэг автвал аймшигтай. Аль болох дарга, захирал болохыг хүсдэг. Шаардлагатай үед л бодол санаагаа илтгэдэг, ер нь бол дуугүй. Тэр ноёрхог зантай тул амьдралын уламжлалыг хадгалахыг илүүд үзнэ. Маш ажилсаг, гэр бүлдээ сайн сайхныг авчирна. Биеийн хүчний, оюуны ажлыг ч хийнэ. Хөдөө аж ахуйн салбарт илүү чадварлаг. Худалдаа болон харилцааны хүрээнд ажиллах нь түүнд хүндрэлтэй байдаг. Эрүүл мэнд болон сэтгэлийн тайван байдлаа алдах учраас аялалтай ажил сонгох хэрэггүй. Эмэгтэй үхэр бол гэрсэг, санаа тавьдаг, гэр орноо үнэлдэг. Гайхалтай сайхан гэрийн эзэгтэй. Их зөрүүд. Гэр бүлийнхээ төлөө юугаа ч золиослоход бэлэн. Эелдэг, ялдам, үнэнч, мэдрэмжтэй. Хайр дурлалын сээтэгнүүр явдлыг үзэн яддаг. Гэр бүлийн хүндээ үнэнч байх нь түүнд чухал.
БАРИМТ 5
2021 ОНД БАР ЖИЛТЭН Үхэр жил таны хувьд хөгжих, хувьсан өөрчлөгдөх, мэдлэгийн жил байх болно. Эрүүл мэнд, нийгэм-мэргэжлийн орчинд маш сайн жил бөгөөд та олон зүйлийг амжуулж чадна. Хэрэв та ажлаа солих талаар бодож байгаа бол зургадугаар сард хамгийн сайн. Шинэ ажилд орохоосоо өмнө нэг их яаралгүй, сайн бодож үзээрэй. Үхэр жилд бар жилтнууд санхүүгийн урт хугацааны асуудалдаа анхаарахаас өөр аргагүй болно. Тиймээс илүү зардлаас аль болох зайлсхийгээрэй. Та эрч дүүрэн байх ч уурлаж бухимдалгүйгээр бүх зүйлийг тэвчээртэйгээр, үе шаттайгаар эхлүүлж, өөртөө амрах хангалттай цаг гаргах хэрэгтэй.
БАРИМТ 6
БАР ЖИЛТЭН Бусдыг өөртөө татах гайхалтай чадвартай ч нэг их итгэл өгөөд хэрэггүй. Барын үйлдэл нь бусдыг сүйрэлд хүргэж магадгүй. Тэр эрсдэлд дуртай. Тиймээс ч бодлогогүй үйлдэл хийх нь олонтаа. Захирагдах дургүй. Харин бусдыг өөрт нь захирагдахыг албаддаг. Эрх мэдэл нь түүнийг нэр хүндтэй болгодог. Түүнийг хүндэлдэг, зоригтойгоор үнэн үг хэлэх нь ховор. Аливаа үйлийг хийхээсээ өмнө бодвол, бусдын үгийг дагаж болгоомжтой байвал их амжилтад хүрнэ. Тэр төрөлхийн тэмцэгч, түргэн ууртай, огцом зантай хүн. Тэр хэнд ч итгэж найддаггүй, бусдыг ямагт тэргүүлдэг, эрх мэдэлтэй. Эрсдэлтэй бүхэн түүнд тохирно. Энэ жилд төрсөн эмэгтэйчүүд ямагт түрүүлж, дайн зарладаг эсвэл эрх дархыг өөрийн болгож авдаг. Тэр их дайчин ч эмзэг, сэтгэлийн хөөрөлтэй, гүн бодолд, хүчтэй хайр дурлалд автдаг. Оргилуун тул тэр хайр дурлалдаа аз жаргалтай байх нь ховор. Бар мөнгө төгрөгийг шууд сонирхоод байхгүй ч хөрөнгөтэй байж чадна. Хэрвээ таны гэр бүлд бар жилтэн байдаг бол тэр таныг гурван дайралтаас, тодруулбал, хулгайч, галаас, зальтай этгээдээс хамгаалдаг гэнэ.
БАРИМТ 7
2021 ОНД ТУУЛАЙ ЖИЛТЭН Танд хайр дурлал, баяр баясгалан, уран бүтээл, таалагдсанаа бүтээх хүсэл дүүрэн байх нь. Хайр дурлал, гэр бүлийн харилцааг эн тэргүүнд тавина. Энгийн үеэс илүү амбийцтай үе. Та туслах дүр байхаа болиод, олны анхаарлыг татахаар зориг шулуудна. Таны хичээл чармайлт ч үр дүнгээ өгнө. Гэхдээ өөрийнхөө боломжийг мэдээд, гүйцэтгэж чадах хэмжээний даалгавар хийх хэрэгтэй. Жилийн турш эрүүл мэнддээ анхаарч, ажил мэргэжил, нийгмийн үйл ажиллагаанаас болоод хэт ядрахгүйг хичээгээрэй.
БАРИМТ 8
ТУУЛАЙ ЖИЛТЭН Түүний нэг дутагдал нь хуумгай зан. Дээд язгууртны дунд байх дуртай, бусдад ч таалагддаг. Эмэгтэй туулай соёлын түвшингээ харуулах дуртай. Од болон гялалзах зорилгоор хүссэн салбараа гүн судалж, амжилтад хүрч чадна. Ер нь туулай их тайван. Найз нөхдийн чухал асуудлаас илүү өөрийнх нь жижиг, таагүй явдлууд түүнийг бухимдуулна. Ялихгүй зүйл түүнийг уйлахад хүргэдэг ч тайвшруулах амархан. Туулай төрөлхийн хуучинсаг үзэлтэй, тайван байдлыг нь алдагдуулах, хүндрэлд хүргэх бүхнээс айдаг. Тав тух, өөрийн аюулгүй байдлыг хамгаас илүү үнэлдэг. Болох, болохгүйг харьцуулалгүйгээр хэзээ ч шийдвэр гаргадаггүй. Ийм болгоомжлол нь бусдад шагшин гайхах сэтгэл, итгэл найдварыг төрүүлдэг. Туулай ажилдаа ямагт азтай, арга ухаантай байдаг. Санхүүгийн талд азтай, худалдаанд амжилт олдог. Мэдрэх авьяас нь хөгжсөн тул тэр боломжийг хэзээ ч алддаггүй сайн худалдаачин болно. Тайван туулай нь ажил хэрэгч хүн гэдгээрээ аюултай өрсөлдөгч байж болох юм. Хайртай хүмүүстээ тусч, эелдэг байдаг ч найз нөхдийнхөө ашгийн төлөө ойр дотны хүмүүсээ амархан орхиж чадна. Гэр бүлийнхээ өмнө хариуцлагатай гэдгээ мэдэрдэггүй. Төрөл төрөгсөд, гэр бүл, хүүхдүүдтэйгээ хөндлөнгийн хүнтэй харилцаж байгаа юм шиг байдаг. Харин найз нөхөдтэйгээ илүү дотно харилцахыг эрхэмлэдэг. Тэр дайсан байх дургүй.
БАРИМТ 9
2021 ОНД ЛУУ ЖИЛТЭН Шинэ онд их хэмжээний үүрэг, зарчимч байдал, зохион байгуулалт, хатуу төлөвлөгөөтэй байх бололтой. Та бүхнийг амжуулж чадна. Гэнэтийн өөрчлөлт, шинэ санаа, карьерт огцом өөрчлөлт гарч магадгүй. 12 сарын турш үүсэх бүхий л асуудлыг ухаан, туршлага хоёроороо л даван туулна. 2021 оны 3-5 дугаар сард санхүүгийн байдал сайжирна. Гэвч томоохон зарлага гаргах гэж яарах хэрэггүй. Ашиггүй зарлагаа сайтар хяна. Дөрөвдүгээр сараас эхлэн эрүүл мэнддээ анхаарч, зун заавал амраарай.
БАРИМТ 10
ЛУУ ЖИЛТЭН Энэ хүн маш итгэмтгий учраас түүнийг мэхлэхэд амархан. Луу бол боловсон, уужим сэтгэлтэй, зориг төгөлдөр, хатуужилтай, бардам хүн. Тэр их эмзэг, гэхдээ ихэвчлэн худал шалтгаанаас болж санаа нь зовдог.Түүний төгс төгөлдөр рүү тэмүүлдэг зан нь түүнийг өөртөө болон бусдад хэрэгтэй хүн болгодог. Луу юм бүхэнд хэт нямбай, ихийг шаарддаг ч шаардсанаасаа илүү ихийг өгдөг. Луу жилд төрсөн хүн хэлээ дарж чаддаггүй, шууд хэлчихдэг, түүний үг нь бодол санаанаас нь түрүүлээд гарчихдаг. Луу чухал зөвлөгөө өгч чаддаг. Амьдралд тэр юугаар ч гачигдахгүй. Эмч, улстөрч, жүжигчин, байлдагч, лам, ер нь ямар ч ажил сонгосон түүндээ амжилттай байж, ямагт гялалзаж байх болно. Луу өөрөө хэн нэгэнд дурлах нь ховор, ихэвчлэн бусдын хайрыг татдаг. Хайр дурлалын уй гашуу, сэтгэл гонсойх зэрэг явдал түүнд хэзээ ч байдаггүй. Харин өөрөө эмгэнэлийн учир шалтгаан нь болдог. Залуу насандаа гэрлэх нь ховор, ганц бие байхыг эрхэмлэдэг. Тэр ганцаараа байвал илүү аз жаргалтай.Түүний амжилт нь агуу их шигээ гуниг гутрал нь төдий бага байдаг. Тэр их хэцүү зантай, сэтгэл хангалуун байж чадаагүйгээсээ болж их зовдог.
БАРИМТ 12
2021 ОНД МОГОЙ ЖИЛТЭН Үхэр бол бүтээн байгуулах, бэхжүүлэх, саяхныг болтол хэрэгжүүлж чадаагүй хүсэл, санаа зорилгоо хэрэгжүүлэх жил. 2021 онд харилцаа хамгийн үнэтэй хөрөнгө байх болно. Үүний ачаар та гэр бүлийнхээ зөрчилдөөнийг шийдвэрлэж, төрөл төрөгсөдтэйгөө харилцаагаа сайжруулж, карьертаа ахиж чадна. Шаардлагатай үед мөнгө орж ирнэ. 2021 он ажлаа өөрчлөхөд тийм ч тохиромжтой жил бус. Тэр тусмаа үйл ажиллагааныхаа салбарыг өөрчлөхөд тохиромжгүй. Эрүүл мэндийн хувьд гайхалтай сайн байна. Эрч хүч дүүрэн ч сэтгэлээр унах, түгших асуудал хаврын саруудад гарч болзошгүй. Могой жилд төрөгсөд аль болох наранд их гарч, цэвэр агаараар амьсгалах хэрэгтэй. Цэцэрлэгжүүлэлт зэрэг биеийн хүчний ажил, спорт, дугуй унах нь түгшүүрээс салахад тустай. Дээр нь оюун санааг тэнцвэртэй байлгаж, тайван унтаж амрахад тусална.
БАРИМТ 13
МОГОЙ ЖИЛТЭН Могой жилтнүүд арга заль ихтэй, эрчүүд нь нэр алдарт хүрдэг бол бүсгүйчүүд нь хамгийн дур булаам, хээнцэр хүмүүс байдаг. Төрөлхийн цэцэн цэлмэг, ухаантай, үг дуу цөөтэй. Ажил үйлс нь бүтэх магадлал өндөр ч нарийн харамч байх нь олон. Заримдаа нэр алдрын хойноос хэт хөөцөлдөж, хувиа хичээдэг. Гэвч дотнын бүтэл муутай яваа ах дүүсээ халамжилдаг. Бусдын итгэл үнэмшилд найддаггүй, зөвхөн өөртөө найдаж, аливааг хэтрүүлэн дөвийлгөх хандлагатай. Өөрийн бүтэлгүйтлийг тэвчдэггүй шийдмэг улс. Гадна талдаа амгалан дүр эсгэвч маш тачаангуй, халуун хүмүүс байдаг. Дур булаам дүр төрх, зан ааштай боловч хөнгөн хийсвэр зантай тул гэр бүлийн амьдрал нь хүндрэл бэрхшээл ихтэй байдаг.
БАРИМТ 14
2021 ОНД МОРЬ ЖИЛТЭН Санхүүгийн өсөлт, бизнесээ өргөжүүлэх жил байх магадлалтай. Үүний зэрэгцээ дотоод өөрчлөлт, зорилго, хүслээ ойлгох жил ч гэж хэлж болно. Боломжийг алдахгүйг хичээн чармайж ажиллавал хүссэн үр дүнгээ амсана. Ажил дээрээ олон давуу талаа ашиглаж, ажил хэргээр ийш тийшээ явах нь нэмэгдэнэ. Үхэр жилд эрсдэлтэй хөрөнгө оруулалт хийхээс зайлсхий. Мөнгөө нямбай үрж, төсвөө нарийн төлөвлөөрэй. Оны эхний хагаст эрүүл мэнд гайхалтай сайн байна. Гэхдээ шүдний асуудал таатай сэтгэгдлийг тань нурааж мэднэ. Гэмтэж болзошгүй тул эрсдэлтэй зугаа цэнгэлээс холуур бай.
БАРИМТ 15
МОРЬ ЖИЛТЭН Магтаалын үг хэлж чаддаг, хамт олны дунд хөгжилтэй, чалчаа, олонд нэртэй. Тэр их гялалзсан хүн, хүмүүсийг удирдах дуртай бас чаддаг. Хүмүүсийн санаа бодлыг тэднийг хэлэхээс нь өмнө тэр хурдан таачихдаг. Улс төрд амжилт олно, энэ нь ч түүнд таалагдана. Заримдаа өөрийнхөө хүч чадалд итгэдэггүй. Тэр их халуун цустай, түргэн зантай. Амжилттай байхын тулд тэр уур хилэнгээ дарж сурах ёстой. Тэр их аминч, тиймээс зам дээр нь саад болсон хүнийг юу ч бодолгүйгээр бяц гишгэнэ. Тэр их нэрэлхүү, дээрэлхүү зантай. Өөрийнхөө асуудлыг хамгаас чухалчилдаг. Бүхэнд өөрийгөө хамгийн түрүүнд тавьдаг. Тэр өөрийн тааллаар болдог, хэний ч зөвлөгөөг дагадаггүй. Тэр залуу насандаа биеэ дааж амьдрахын тулд гэрээ орхих хэрэгтэй. Харамсалтай нь, тэр хувирамтгай зангаасаа болж хийж буй ажлаасаа хурдан залхдаг. Гэхдээ хэсэг хугацааны дараа дутуу үлдээсэн ажилдаа эргэн орж амжилттай дуусгадаг. Хүмүүсийн дунд байх ямар ч ажил мэргэжил түүнд тохирно. Учир нь, бусдаар хүндлүүлэх, магтуулах дуртай. Тэр хайр дурлалын төлөө бүхнийг хаяж чадна. Хайр дурлал нь агуу, өөр юм бүхэн түүнд хамаагүй болдог.
БАРИМТ 15
2021 ОНД ХОНЬ ЖИЛТЭН Гэнэтийн өөрчлөлт, хачирхалтай шинэ танилаар бэлэг барьж магадгүй. Жилийн турш та өөрийн үйлдлээ хянаж, хүмүүст хэлэх үгээ цэнэхгүй бол таагүй асуудалд орж болзошгүй. Танд хамаагүй асуудлаас хол байж, хов жив, элдэв зөрчилдөөнд аль болох орохгүйг хичээгээрэй. Бизнес эрхэлдэг хонь жилтнүүдэд таатай жил. Хүч чармайлтаа гарган ажилласан хэвээр бай. Гэхдээ шинэ санаа, мэргэжлийн инновац бүхэн амжилттай болохгүйг анхаараарай. Оны эхээр эрүүл мэндийн үзлэгт орж, эрүүл мэндээ хянаарай. Стрессээс болоод дархлаа тань унаж, халдварт өвчинд өртөх эрсдэл өндөр байна.
БАРИМТ 16
ХОНЬ ЖИЛТЭН Хонь өөрийн амьдралд хэзээ ч сэтгэл хангалуун байдаггүй. Тэр олон ааштай бас байнга дургүйцлээ илэрхийлдэг болохоор эргэн тойрныхныгоо бүр цөхрөхөд хүргэдэг. Тэр түрэмгийлэн эзлэгч зантай, өөрөө үүнийгээ хэзээ ч хүлээн зөвшөөрдөггүй. Хонь байнга хоцордог, цаг хугацааны мэдрэмжгүй, сахилга батгүй. Хэрэгтэй үедээ бусдад таалагдаж чаддаг. Эелдэг зөөлөн, аймтгай, хэт нялуун тэрээр гомдоллох их дуртай. Аль чиглэлийг сонгож, аль тал руу нь хөдлөхөө огт мэддэггүй хүмүүс учраас бусдад найдах нь бий. Эдгээр хүнийг гутранги үзэлтэй гэж хэлж болно. Ихэнх нь шашин шүтлэгтэй байдаг ба зурхай, уран зөгнөлтэй, ер бусын далдын хүчний юм бүхнийг их сонирхдог. Тэр мэргэн цэцэн, эелдэг байж чадна. Түүний амьдрал өөрөөс нь биш эргэн тойрныхноос нь шалтгаална. Хонь санаачлагагүй, зориггүй, шийдэмгий бус, хариуцлагагүй. Тэр сонголт сайтай, авьяастай. Уран болон техникийн чадвар шаардсан ажлыг амжилттай хийдэг сайн мэргэжилтэн болно. Хонь ухаантай ч хэзээ ч гол дүрд тоглодоггүй. Тэр их уран сэтгэмжтэй тул хатуу зоригтой байх хэрэгтэй. Тэр тайван амьдралтай байхыг мөрөөддөг.
БАРИМТ 17
2021 ОНД БИЧ ЖИЛТЭН Өөрийн авьяас, шударга, ажилч хичээнгүй зан, ажил мэргэжилдээ хэр гаршсан болохоо харуулж чадсан бичнүүдэд таатай мэдээгээр дүүрэн байх болно. Мөнгө төгрөгийн асуудал бүгд сайн байна. Танд 2021 онд карьер ахиж, сайн цалин олох боломжийг нээнэ. Та орлогын хэд хэдэн эх үүсвэрээс ашиг олно. Учир нь, ажлынхаа ачаар жижигхэн бизнес нээж магадгүй. Гэсэн хэдий ч мөнгийг баруун солгойгүй үрж болохгүй. Гэр орноо засах, шинэ автомашин худалдан авах зэрэг хөрөнгө оруулалт хийхээр бол оны сүүлчийг хүлээ. Ялангуяа зээл авах шаардлагатай бол. Эрүүл мэнд хэвийн бөгөөд 2021 оны турш тайван амгалан байдлыг мэдэрнэ. Аль болох их амарч, эрч хүчээ нөхөж аваарай.
БАРИМТ 18
БИЧ ЖИЛТЭН Өөрийгөө бусдаас дээгүүр гэж үздэг бич нь ихэрхэг зантай нэгэн. Бич оюуны чадавх өндөртэй. Ном, сонин их уншдаг. Гайхамшигтай ой тогтоолттой. Урьд өмнө харсан, сонссон зүйлийнхээ өчүүхэн хэсгийг ч санадаг. Тэр уран сэтгэгч, хамгийн хэцүү асуудлыг гайхалтай хурдан шийддэг. Бүх жилтнээс хамгийн сүр хүчтэй, хатуужил тэсвэртэй, арга мэхтэй. Бич сэтгэл татам, бусдад таалагдах урлагт сайн. Ямар ч мэргэжилд амжилттай байна. Дээд боловсролтой л бол ямар ч ажлыг хийнэ. Өөрийнхөө эв дүй, авьяасаа дагавал алдар нэртэй ч болдог. Оргилуун зантай тэрбээр амархан дурладаг, цатгалдах нь ч хурдан. Тиймээс дараагийн хүнээ хайдаг.
БАРИМТ 19
2021 ОНД ТАХИА ЖИЛТЭН Засаглалаа сэргээж, хувийн нэр хүндээ тогтоох жил. Тахиа жилтнүүд маш зохион байгуулалттай, зарчимч, үр бүтээлтэй, хариуцлагатай байна. Таныг ажлаас орлого олох шинэ боломж, өв залгамжлалаа авч дуусах үе шат, бэлэг, бизнес хүлээж байна. Та өөрчлөлт хийх асар их хүсэлд автах бөгөөд шинэлэг зүйл хийх, өөр улс руу явах ч юм уу ажлаа өөрчлөхийг хүснэ. Та хамгийн түрүүнд бусад хүнийг бодох болно. Ойр тойрныхондоо ямар үр дагавар учрахыг харахгүйгээр шийдвэр бүү гарга. Гэр бүлээ нэгдүгээрт тавибал хэзээд ялна. 5-8 дугаар сард санхүүгийн байдал тун тогтворгүй байна. Санхүүгийн төлөвлөгөөгөө сар сараар нь гаргаж, нарийн хэрэгжүүлээрэй. Стресс бие, сэтгэл санаанд сөргөөр нөлөөлж мэднэ. Түгшүүр ч мөн эрсдэл авчирна. Аялахдаа болгоомжтой байхгүй бол золгүй явдал тохиох эрсдэл өндөр байна.
БАРИМТ 20
ТАХИА ЖИЛТЭН Тэр үнэхээр илэн далангүй, бодсоноо л хэлдэг. Бусдын анхаарлыг өөртөө татах дуртай. Өөрийгөө юм бүхэнд ямагт зөв, юу хийж байгаагаа сайн мэддэг гэж боддог. Хэнд ч итгэж найддаггүй, зөвхөн өөртөө л найддаг. Харин зөвлөгөөг харамгүй өгнө. Тэр биелшгүй, хачин төлөвлөгөөгөөр дүүрэн байдаг, мөрөөдөмтгий. Хүмүүс түүнийг сонирхолтой гэж боддог ч сэтгэл нь гонсойж болзошгүй. Тэр үргэлж өөрийнхөө боломжийг хэтрүүлж ярьдаг. Бас агуу хөдөлмөрч хүн, чадлаасаа хэтэрсэн юм хийхийг хүсдэг, хийж чадахгүй болонгуут маш их бухимддаг. Тэр их идэвхтэй, хөдөлгөөнтэй. Өөрийгөө хангалуун байлгахын тулд тэр ажиллах ёстой. Ажил нь түүний хувьд сайн байвал тэр баян болж чаддаг. Эрэгтэй найз нартайгаа ховор харьцдаг. Тахиа ядуурлаас баяжих руу, төгс төгөлдөр хайраас жигшмээр зан руу дагуулах замыг туулна.
БАРИМТ 21
2021 ОНД НОХОЙ ЖИЛТЭН Нохой жилтнүүдэд олон төрлийн үйл ажиллагаанд анхаарсан эрч хүчээр дүүрэн жил байх болно. Өсөн дэвших, ирээдүйн төлөвлөгөөгөө өөрчлөх, хувийн болон ажил мэргэжлийн хувьд шинэ чиглэл дагах онцгой боломж байна. Мөнгө санхүүгээ болгоомжтой төлөвлөж, бизнес төслийн боломжийг алдахгүйг хичээх хэрэгтэй. 2021 онд мөнгөө алдаж, өрөнд орох эрсдэл өндөр байна. Тиймээс мөнгөө үнэтэй зүйлд зарцуулах, үнэтэй бэлэг барих, санхүүгийн луйварт өртөх эрсдэлээс сэрэмжил.
БАРИМТ 22
НОХОЙ ЖИЛТЭН Нохой их гутранги үзэлтэй тул амьдралаас ямар ч сайн сайхан юм хүлээж найддаггүй. Нохой шударга ёсын төлөө тэмцэгч тул шударга бус явдлын эсрэг зоригтой зогсдог. Тэр өнгөрсөн, одоо, ирээдүйн бүхний төлөө зовнидог. Хүйтэн сэтгэлтэй мэт санагдавч үгүй. Хэдий тэр олон дутагдалтай ч түүнд хүний бүх сайхан ариун чанарууд бий. Энэ бол үнэнч, шударга, итгэлтэй, төвийг сахисан, үүрэг хариуцлагын мэдрэмжтэй хүн юм. Танаас хэзээ ч урвахгүй. Нууц хадгалж чаддаг, даруу төлөв зантай. Нохой шиг сонсож чаддаг хүн байхгүй. Бусдын төлөө боломжтой бүгдийг хийнэ. Тийм болохоор хүмүүс нохойг их хүндэлдэг. Тэр агуу сэтгэлтэй, хайр харамгүй өгдөг хүн. Нохой нь сайн удирдагч, нийгмийн зүтгэлтэн, сурган хүмүүжүүлэгч болж чадна. Ямар ч мэргэжилд төгс, үнэнч шударга байна. Хүн удирдах гайхамшигтай чадвартай. Хайр дурлалдаа ч тэр их үнэнч, ухамсартай.
БАРИМТ 23
2021 ОНД ГАХАЙ ЖИЛТЭН Үхэр жил хөрөнгө оруулалтад таатай. Үүнээс гадна нөхөрлөл, хайр дурлалын жил. Хайртай хүнээ олоод, амьдралаа холбох үе. Гэвч гахай жилтнүүд 2021 онд эрүүл мэндийн асуудалд орж болзошгүй учраас хоолны дэглэм, хөдөлгөөн, зөв хооллолтод анхаараарай. Мөнгө санхүүгийн хэтийн төлөв таатай байна. Ялангуяа мэргэжлийн үйл хэрэгт энэ нь хамаатай. 2021 оны эхнээс эерэг өсөлт гарч магадгүй. Ажил мэргэжлийн хувьд энэ он өсөлтийн жил. Авьяас, туршлагаа ашиглаад сайхан сэтгэгдэл төрүүлж, хэдэн алхам урагшилж чадна. 2021 онд гахай жилтнүүд бизнес сэтгэлгээ, мөнгө олох авьяас гэсэн хоёр том чанараа бүрнээр нь ашиглаж магадгүй.
БАРИМТ 24
ГАХАЙ ЖИЛТЭН Та түүнд итгэж болно, тэр хэзээ ч танаас урваж, хуурч мэхлэхгүй. Тэр их гэнэн, итгэмтгий, өөрийгөө хамгаалах чадваргүй. Сул дорой биш эвтэй найрсаг байхыг хүсдэгтээ тэр. Мэдлэгийг чухалчилдаг. Их уншина гэхдээ замбараагүйгээр. Тэр их мэдрэмтгий, сэтгэлийн болон эдийн таашаал авах дуртай. Өөрийн зөв гэдэгтээ итгэлтэй байгаа ч хэрүүл, маргаан үүсгэхгүйн тулд ямар ч буулт хийхэд бэлэн байдаг. Гахай жилтэн сайхан сэтгэлтэй, гадаад төрхийн цаана зориг, эрх чөлөө, эрх мэдэл байдаг. Түүний зорилго, шийдвэр ямар ч байлаа тэр бүгдийг бүх хүч чадлаа зориулан бүрэн гүйцэтгэдэг. Тэр ямар нэгэн шийдвэр гаргасан бол түүнийг юу ч зогсоохгүй. Тэр ямар нэгэн шийдвэр гаргахаасаа өмнө болох болохгүй бүгдийг харьцуулан үздэг. Ямар ч мэргэжил, салбарт үнэнч, хариуцлагатай ажиллана. Гахай жилтэнд найз нөхөд бага ч байгаадаа бүх насаараа үнэнч байдаг.
Сэтгэгдэл (1)