Өнөөдөр НҮБ-ын командлал өнгөрсөн долоо хоногт Хойд Солонгосоос оргож ирсэн цэргийн видео бичлэгийг бүрэн эхээр нь цацжээ. Видеонд хил рүү УАЗ-469 машин ирэхэд харуулууд машины дугуйг буудаж хагалсны дараа цэрэг машинаасаа бууж, хилийн шугам руу гүйж буй дүрс бичигджээ. Энэ үед Хойд Солонгосын харуулууд оргож буй цэрэг рүү гал нээхдээ нэг харуул нь хилийн шугамыг давж алхаад дараа нь буцсан байна. Шархдаж унасан цэрэгт Өмнөд Солонгосын цэргүүд мөлхөн хүрч, чирэн өөрийн талд авчирсан нь бичлэгийн төгсгөлд гарчээ.