Жүдо бөхийн 2017 оны  насанд хүрэгчдийн дэлхийн аварга шалгаруулах тэмцээн Унгарын нийслэл Будапешт хотноо гурав дахь өдрөө үргэлжлэн явагдаж  байна. Өнөөдрийн барилдааныг Хөдөлмөрийн баатар Х.Цагаанбаартар өөрийн цахим хуудсаараа шууд дамжуулж байна. Дөнгөж сая 57 кг-ийн жинд барилдаж буй Д.Сумъяа Хонгконгийн бөхийг цэвэр ялснаар шигшээ наймд шалгарлаа.

Эрэгтэйчүүдийн 73 кг-д зодоглож буй Г.Одбаяр эхний тойрогт хийлж, хоёрдугаар тойрогт Саудын Арабын бөх Мухаммед Алхарбиг цэвэр ялсан юм. Улмаар сая АНУ-ын тамирчныг сөхрүүлснээр шөвгийн 16-д шалгараад байсан билээ.  Наймны нэг шигшээд Бельгийн тамирчинг цэвэр ялснаар мөн шигшээ наймд шалгарлаа.