Дэлхийн ихэнхи улс орнууд иргэдийнхээ хөрөнгө чинээг тооцож, чансаагаар нь жагсаадаг гэдгийг бид мэднэ. Манай гарагийн хамгийн баян, нэр нөлөөтэй хүнээр хэнийг нэрлэх вэ гэвэл бид Билл Гэйтс гэж хариулна. Харин Монголын баячууд хэр хур хөрөнгөтэй байдаг нь төдийлөн тодорхойгүй байдаг. Гэхдээ Монголд хөрөнгө чинээгээр нь жагсаах жишиг тогтох эхлэл нь дөнгөж тавигдаад буй юм. 24tsag.mn сайтын уншигчдын хүсэлтээр "Монголын топ 100 тэрбумтан" баячуудын жагсаалтыг хүргэж байна. Энэ анхны жагсаалтыг 2011 онд "HERO" сэтгүүлийн редакциас гаргасан юм. Тиймээс зарим эрхмүүдийг хуучин албан тушаалаар нь бичсэн нь бий.
   Жагсаалтыг гаргахдаа америк доллараар үнэлгээ хийсэн бөгөөд тухайн бизнесмэний эзэмшдэг компани, эзэмшил газар, ашигт малтмалын орд, үл хөдлөх хөрөнгө, эргэлтийн хөрөнгө зэргийг тооцсон болно. Хэрэв хувьцаат компани бол нийтэд зарлагдсан үнэлгээгээр, хаалттай компаниудын үнэлгээг ижил төстэй компаниудын зарагдаж буй байдал, эргэлт, эргэлтийн хөрөнгө зэргийг харьцуулсан байна. Үүний хамт татвар төлөлт, өмнөх онуудын эдийн засгийн байдалтай харьцуулан доорх дүнг гаргасан байна. HERO сэтгүүлийн  редакциас энэ мэдээлэл нь албан ёсных бус, сэтгүүлчид болон экспертүүдийн үнэлгээг гэдгийг онцолсон юм. Харин энэ тооцоонд тэрбумтнуудын далд хөрөнгө, бизнес ороогүй байх өндөр магадлалтай.

   24tsag.mn-ий дэлгэж буй энэ жагсаалт Монголын баячуудын хөрөнгө, эрэмбийг яг нарийн гаргаж чадаагүй ч бас ч гэж "хана"-тай үнэлгээ гэдгийг дурдъя. Энд бидний мэдэх танил улс төрч, бизнесмэнүүдээс гадна төдийлөн олны өмнө гардаггүй цөөн хэдэн нууцлаг эрхмүүд багтжээ. Бас тоотой хэдэн хатагтай нар ч бий.

Т.Гэрэл