Д.Трампын татварын заналхийллийн нөлөөгөөр дэлхийн зах зээл гурав дахь өдрөө уналтад ороод байна. Энэ үеэр Доналд Трамп Хятад улс сөрөг арга хэмжээнээсээ татгалзахгүй бол АНУ-д импортолж буй бараанд 50 хувийн нэмэлт татвар ногдуулна гэж сүрдүүлэв.

АНУ-ын ерөнхийлөгч Даваа гарагт Цагаан ордонд үг хэлэхдээ, бусад улстай хэлэлцээр хийх боломжийг олгох үүднээс шинэ тарифыг түр зогсоох тухай бодолгүй байна. Бидэнтэй хэлэлцээр хийхээр ирж буй олон улс орон байгаа. Шударга хэлэлцээрүүд хийгдэх болно" гэж тэр хэлэв.

Хэрэв Бээжин мягмар гараг гэхэд тарифын эсрэг төлөвлөгөөгөө цуцлахгүй бол Хятадын бараа бүтээгдэхүүнд 50 хувийн татвар ногдуулна гэж Трамп дахин мэдэгдэв. Хэрэв оногдуулсан тохиолдолд Хятадаас тодорхой бараа бүтээгдэхүүн оруулж ирдэг АНУ-ын компаниуд 104 хувийн татвар авах боломжтой.

Трамп өөрийн олон нийтийн мэдээллийн хэрэгслээр нийтэлсэн нийтлэлдээ Хятад улс баасан гарагт зарласан Америкийн бараа бүтээгдэхүүнд ногдуулсан 34 хувийн хариу тарифаа буцаан татахгүй бол нэмэлт тарифыг нэвтрүүлэхээс эмээхгүй гэжээ.

Трамп өнгөрсөн лхагва гарагт "Чөлөөлөх өдөр"-ийн хүрээнд Хятадын импортын бараа бүтээгдэхүүнд 34 хувийн татвар ногдуулна гэж мэдэгдсэн. Мөн тэр дэлхийн бүх улс оронд доод тал нь 10 хувийн татвар ногдуулаад буй.

Л.Баяр